Wednesday, August 29, 2018

ឃោឃៅណាស់! ឪពុកចាប់កូនស្រីបង្កើត រំលោភ រហូតមានផ្ទៃពោះ៥ខែ

អាម៉ាប៉ាប៉ាញ៉ូស

កណ្ដាលៈ ឪពុកតិរច្ឆានឃោឃៅម្នាក់ពោពេញដោយកាមតណ្ហាបាន រំលោភកូនស្រីប ង្កើតខ្លួនឯងអាយុ១២ឆ្នាំរហូតមានផ្ទៃពោះចំនួន៥ខែ ចុងក្រោយបែកការត្រូវសមត្ថកិច្ចចាប់ខ្លួន។

ករណីចាប់ខ្លួនខាងលើនេះ ធ្វើឡើងនៅវេលាម៉ោង១២ថ្ងៃត្រង់ ថ្ងៃទី២៨ ខែសីហា ឆ្នាំ២០១៨ ស្ថិតក្នុងភូមិពាមប្រជុំ ឃុំព្រែកអំបិល ស្រុកស្អាង ខេត្តកណ្ដាល។

មន្រ្ដីនគរបាលស្រុកស្អាងបានឲ្យដឹងថា ជនសង្ស័យចាប់ខ្លួនឈ្មោះ ផាត់ តឿ ភេទ ប្រុស អាយុ៣៣ឆ្នាំជនជាតិខ្មែរ (ត្រូវជាឪពុកបង្កើតរបស់ជនរងគ្រោះ) រីកុមារីរងគ្រោះឈ្មោះ ម វ.ល ភេទស្រី អាយុ១២ឆ្នាំ ជនជាតិខ្មែរ (ត្រូវជាកូនបង្កើតជនសង្ស័យ)។

ប្រភពដដែលបន្ដថា មុនឈានដល់ធ្វើការចាប់ខ្លួនជនសង្ស័យលើនេះ កុមារីរងគ្រោះមានអាការៈ មិនស្រួលខ្លួន រួចប្រាប់ម្ដាយរបស់ខ្លួនថា ខ្លួនបានបាត់រដូវអស់រយៈពេល៣ខែហើយ ដោយពុំដឹងថា មកពីមូលហេតុអ្វីនោះទេ ដោយម្ដាយក្មេងស្រីរងគ្រោះមានការងឿងឆ្ងល់ ភ្លាមនោះក៏ទៅទិញឧបករណ៍ ពិនិត្យទឹកនោម ដើម្បីមកធ្វើការពិនិត្យ រួចបានឃើញថា កូនស្រីរបស់ខ្លួនមានផ្ទៃពោះចំនួន៥ខែហើយ បន្ទាប់មកម្ដាយក្មេងស្រីរងគ្រោះបានសួរដេញដោលកូនស្រីថា កូនឯងប្រាប់ម៉ែឲ្យត្រង់មក តើកូនបានខូចខិលជាមួយបុរសណា? ភ្លាមនោះកូនក៏ឆ្លើយថា ប៉ា(ជនសង្ស័យ)រំលោភខ្ញុំតាំងពី ឆ្នាំទៅរហូតមកដល់ឥឡូវនេះ។

ក្រោយពីម្ដាយបានស្ដាប់កូនស្រីខ្លួនរៀបរាប់ហើយ ភ្លាមនោះក៏ដេញកូន ឲ្យទៅជួប ជាមួយម្ដាយមីងដើម្បីជូនទៅប្ដឹងសមត្ថកិច្ច។

ប្រភពដដែលបន្ដទៀតថា ក្រោយពីកុមារីរង គ្រោះនិងម្ដាយមីងបានទៅដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលព្រែកអំបិលរួចហើយ ភ្លាមនោះសមត្ថកិច្ចប៉ុស្ដិ៍ក៏បានធ្វើការចាប់ខ្លួនជនសង្ស័យយកមកប៉ុស្ដិ៍រួចបានធ្វើការសាកសួរ។

នៅចំពោះមុខសមត្ថកិច្ច ជនសង្ស័យបានសារភាពថា កាលពីនៅក្នុងកំឡុងខែកក្កដា ឆ្នាំ២០១៧ វេលាម៉ោង១៩ នៅពេលដែលក្មេងស្រីរងគ្រោះបានត្រឡប់មកពីស៊ីឈ្មួលប៉ាក់ ឌិនគេវិញ ឪពុកបានមកយកទូកចម្លងកូន (ជនរងគ្រោះ) ជារៀងរាល់ល្ងាច ខណៈដែលជនសង្ស័យបានយកទូកមកចម្លងកូន ភ្លាមនោះជនសង្ស័យ បានលួងលោមរួមភេទជាមួយកូន តែកូនមិនព្រម រួចគំរាមថា បើមិនព្រមឲ្យអញ អញវ៉ៃងាប់ឥឡូវ ភ្លាមនោះក្មេងស្រីរងគ្រោះក៏ព្រមឲ្យឪពុកខ្លួនរំលោភ។

ក្រោយពីធ្វើសកម្មភាពរំលោភរួច កូនស្រីនិយាយថា ចាំមើលទៅដល់ផ្ទះខ្ញុំប្រាប់ ម៉ែហើយ រួចជនសង្ស័យគំរាមទៀតថា បើហ៊ានប្រាប់ម៉ែ អញនឹងសម្លាប់ចោល។ លុះក្រោយមកជនសង្ស័យតែងតែរំលោភកូនកូនស្រីខ្លួនឯងរហូតជាបន្តបន្ទាប់ ដោយគំរាមកូនមិនឲ្យនិយាយប្រាប់ម្ដាយនិងអ្នកដទៃ បើហ៊ាននិយាយ និងសម្លាប់ចោល។

 លុះដល់ថ្ងៃទី២៨ ខែសីហា ឆ្នាំ២០១៨ វេលាម៉ោង១២ ទើបក្មេងស្រីរងគ្រោះបាន និយាយប្រាប់ម្ដាយរបស់ខ្លួននូវរឿងរ៉ាវទាំងប៉ុន្មាន ទើបបែកការក៏ដាក់ពាក្យបណ្ដឹង បន្ដឹងសមត្ថកិច្ចឲ្យធ្វើការចាប់ខ្លួនជនសង្ស័យជាឪពុកតែម្ដង។

បច្ចុប្បន្ន ជនសង្ស័យត្រូវបាន សមត្ថកិច្ចបញ្ជូនមកអធិការដ្ឋាននគរបាលស្រុក ដើម្បីកសាងសំណុំរឿង ចាត់ការតាមនីតិវិធីច្បាប់៕

@Amapapa.News

Feature Ads