បន្ទាយមានជ័យៈ បុរសម្នាក់ ខណៈពេលកំពុងច្រូតស្រូវលិចទឹកនោះ ស្រាប់តែកើតជំងឺខ្យល់គរ បណ្តាលឲ្យដួលចូលទឹក ហើយលង់ស្លាប់យ៉ាងអាណោចអាធ័មបំផុត។
ហេតុការណ៍នេះ បង្កការភ្ញាក់ផ្អើលឡើងកាលពីវេលាម៉ោង១៖៣០នាទីរសៀល ថ្ងៃទី១០ ខែសីហា ឆ្នាំ២០១៨ ស្ថិតនៅភូមិចកខាងលិច ឃុំរហាត់ទឹក ស្រុមង្គលបូរី ខេត្តបន្ទាយមានជ័យ។
សមត្ថកិច្ច បានឲ្យដឹងថា បុរសរងគ្រោះមានឈ្មោះ វឹង សារ៉ែម អាយុ៣៥ឆ្នាំ រស់នៅភូមិឃុំកើតហេតុខាងលើ។ សាកសពត្រូវបានយកទៅតម្កល់ធ្វើបុណ្យតាមប្រពៃណីនៅវត្តចក។
នៅមុនពេលកើតហេតុ ជនរងគ្រោះឈ្មោះ វឹង សារ៉ែម ខណៈកំពុងជួយច្រូតស្រូវបងប្អូនជាម្ចាស់ស្រែ ដែលកំពុងលិចទឹក ស្រាប់តែកើតខ្យល់គរ បណ្ដាលឲ្យលង់ទឹកស្លាប់។ ភ្លាមៗនោះ សូម្បីតែកម្លាំងកងពលតូចថ្មើរជើងលេខ៥១ ដែលកំពុងច្រូតស្រូវនៅក្បែរនោះ បានខិតខំជួយសង្រ្គោះដែរ ប៉ុន្តែពុំអាចជួយសង្គ្រោះបាននោះឡើយ៕
