Monday, August 27, 2018

Update ៖ រកឃើញសពហើយ​ ក្រោយលង់ទឹក​នៅ 7NG បាត់ ១យប់ ១ថ្ងៃ​

អាម៉ាប៉ាប៉ាញ៉ូស

កណ្តាលៈ សាក​សពបុរសម្នាក់ ដែលរអិលជើងធ្លាក់ចូលទឹកជ្រៅលង់ស្លាប់បាត់១យប់១ថ្ងៃ ត្រូវបានក្រុមគ្រួសាររាវរកឃើញហើយ កាលពីរសៀលថ្ងៃអាទិត្យ។

សូមរំឭកថា កាលពីវេលាម៉ោង៣រសៀល​ថ្ងៃសៅរ៍ ១៤កើត ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែសីហា​ ឆ្នាំ២០១៨ នៅចំណុចពាមតាយូស លើផ្លូវ7NG ស្ថិតក្នុងភូមិព្រែកលួង ឃុំព្រែកលួង ស្រុកខ្សាច់កណ្តាល ខេត្តកណ្តាល បុរសម្នាក់ និងមិត្តភក្តិជាច្រើននាក់ទៀត នាំគ្នាទៅលេងទឹកហូរកាត់ផ្លូវ ខណៈកំពុងលេងទឹកភ្លេចខ្លួន ស្រាប់តែរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់ ភ្លាមនោះអ្នកដែលឃើញបានស្រែកឆោរឡោឲ្យ​គេជួយដែរ តែដោយសារតែទឹកហូរខ្លាំងពេក ទើបមិនមានអ្នកណាហ៊ានចុះទៅជួយឡើយ។

ជនរងគ្រោះឈ្មោះ ណន នី ភេទប្រុស អាយុ២៨ឆ្នាំ ជនជាតិខ្មែរ មុខរបរកសិករ មានទីលំនៅភូមិសេដា ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ ប្រពន្ធឈ្មោះ ភឿន ស្រស់ អាយុ ២៥ឆ្នាំ ជនជាតិខ្មែរ មុខរបរ កសិករ មានទីលំនៅភូមិឃុំជាមួយគ្នា។

ប្រភពពីសាក្សីដែលឃើញហេតុការណ៍ផ្ទាល់បានប្រាប់ឲ្យភ្នាក់ងារ​ CAM POST​ ឲ្យ​ដឹងថា​ មុនពេលកើតហេតុ ជនរងគ្រោះ និងមិត្តភក្តិ​ជាច្រើននាក់ទៀត បាននាំគ្នាទៅលេងទឹក ដែលហូរកាត់ផ្លូវចំណុចពាមតាយួស ត្រង់ចំណុចខាងលិចក្រុមហ៊ុន 7NG ខណៈពេលកំពុងលេងទឹកភ្លេចខ្លួន ជនរងគ្រោះបានរអិលជើងធ្លាក់ទៅក្នុងទឹកជ្រៅ ហើយទឹកក៏ហូរគួចយកទៅបាត់ ភ្លាមនោះដោយទឹកហូរខ្លាំង ទើបពុំមានអ្នកណាហ៊ានចុះទៅជួយទេ បង្កឲ្យភ្ញាក់ផ្អើល សមត្ថកិច្ច និងក្រុមគ្រួសារ ប្រជាពលរដ្ឋរាវរកតែមិនឃើញ អស់រយៈពេលមួយយប់មួយថ្ងៃ រហូតដល់រសៀលថ្ងៃទី២៦ ខែសីហា ឆ្នាំ២០១៨នេះ សាកសពត្រូវបាន ក្រុមអ្នកមុជទឹក ជនជាតិខ្មែរឥស្លាម ចុះរាវរកឃើញហើយ និងរៀបចំយកទៅផ្ទះដើម្បីធ្វើបុណ្យតាមប្រពៃណី៕

@Amapapa.News

Feature Ads