ក្រោយពីទទួលឋានៈស្មើទេសរដ្ឋមន្រ្តីភ្លាម លោក ពេជ្រ ស្រស់ ប្រធានគណបក្សបក្សយុវជនកម្ពុជាគ្រោងលើកយក៤ចំណុចទៅពិភាក្សាក្នុងឧត្តមក្រុមប្រឹក្សាពិគ្រោះ និងផ្តល់យោបល់។ នេះបើយោងតាមការផ្សាយផ្ទាល់ក្នុងគេហទំព័រហ្វេសប៊ុករបស់នាយកដ្ឋានព័ត៌មាននៃគយកថ្ងៃទី០៧ ខែកញ្ញា ឆ្នាំ២០១៨ នេះ។
វីដេអូររយៈពេលជាង៣នាទី លោក ពេជ្រ ស្រស់ នឹងលើកប្រធានបទទៅពិភាក្សាក្នុង ឧត្តមក្រុមប្រឹក្សាពិគ្រោះ និង ផ្តល់យោបល់មាន៤ចំនុច៖
ទី១- ការដំឡើងតម្លៃកសិកម្ម នឹងការស្វែងរកទីផ្សារលក់ចេញសម្រាប់ផលិតផលកសិកម្ម ។
ទី២- ស្នើអោយរដ្ឋសភាជាតិអណត្តិទី៦ លុបចោលច្បាប់សញ្ជាតិថ្មី ហើយប្រើប្បាប់ចាស់វិញ ដើម្បីទប់ស្កាត់ការបាត់បង់អធិបតេយ្យភាពដែនដីកម្ពុជា ។
ទី៣- ពិនិត្យ នឹងរឹតបន្តឹងនៅច្បាប់អន្តោប្រវេសន៍ នឹងលុបបំបាត់ការតាំងលំនៅផ្ទះបណ្តែតទឹករបស់ជនជាតិវៀតណាម នៅតាមម៉ាត់ទន្លេរទូទាំងប្រទេសកម្ពុជា។
ទី៤- លុបបំបាត់ការគម្រាមកំហែងគ្រប់ប្រភេទមកលើសកម្មនយោបាយពីមន្ត្រីភូមិ ឃុំ នឹងអ្នកមានអំណាចនៅតាមមូលដ្ឋាន។
លោក ពេជ្រ ស្រស់ អះអាងថាលោក គ្មានសិទ្ធិអំណាចដើម្បីចាប់ចង ទៅអាកាត់អីទេ គ្រាប់តែពិគ្រោះផ្តល់យោបល់ដល់គេ បើគេមិនធ្វើជាងរឿងបោះគេ តែលោកនឹងធ្វើសន្នីសិទ្នសារព័ត៌មានថាគេធ្វើឬអត់។
គួររំលឹកថា កាលពីថ្ងៃទី៦ ខែកញ្ញា ឆ្នាំ២០១៨ ព្រះមហាក្សត្រត្រាស់បង្កប់តែងតាំងសមាសភាពឧត្តមក្រុមប្រឹក្សា និងពិគ្រោះយោបល់ ឋានៈស្មើទេសរដ្ឋមន្រ្តី និងរដ្ឋមន្រ្តី ក្នុងនោះលោក ពេជ្រ ស្រស់ មានឋានៈស្មើទេសរដ្ឋមន្រ្តី។