Saturday, October 27, 2018

ជាងភ្លើងម្នាក់សង្ស័យភ្លាត់ស្នៀតធ្លាក់ពីជាន់១៦នៃអគារ ម្ចាស់ទីតាំងមានចេតនាបិទបាំង

អាម៉ាប៉ាប៉ាញ៉ូស

ភ្នំពេញៈ ​ជាងភ្លើងម្នាក់ប្រហែលជាភ្លាត់ស្នៀត ក៏ស្រាប់តែឆក់ចរន្តភ្លើងបណ្តាលឲ្យធ្លាក់ពីលើអគារសំណង់​ជាន់ទី១៦​ មកខាងក្រោម រងរបួសធ្ងន់ធ្ងរ បង្កជាការភ្ញាក់ផ្អើលកាលពីវេលាម៉ោង​ ១និង៣០នាទីរសៀល​ ថ្ងៃទី២៧​ ខែតុលា​ ឆ្នាំ២០១៨​ ដែលស្ថិតនៅតាមបណ្តោយផ្លូវព្រះស៊ីសុវត្ថិ​ ទល់មុខសណ្ឋាគារ​ កាំបូឌីយ៉ាណា​ ក្នុងសង្កាត់ចតុមុខ​ ខណ្ឌដូនពេញ​ រាជធានីភ្នំពេញ​។

ប្រភពព័ត៌មានបានឲ្យដឹងថា​អគារកំពុងសាងសង់ដ៏ខ្ពស់នោះ មានកម្មករជាច្រើនធ្វើការនៅទីនោះ ស្រាប់តែដល់វេលាកើតហេតុ ក៏ស្រាប់តែភ្ញាក់ផ្អើលឡើង ខណៈដែលជាងភ្លើងម្នាក់បានភ្លាត់ស្នៀតត្រូវចរន្តភ្លើងឆក់បណ្តាលឲ្យធ្លាក់ ពីលើជាន់ទី៦ មកដីហើយភ្លាមៗនោះក្រុមកម្មករ ក៏បាននាំគ្នាជួយសង្រ្គោះដោយកដីខ្សាច់មកលុបលើជនរងគ្រោះ ដើម្បីជួយសង្រ្គោះសិន មុនពេលដែលរថយន្តពេទ្យមកដឹកយកទៅសង្រ្គោះនោះ ។

ពាក់ព័ន្ធហេតុការណ៍កម្មករផ្នែកជាងភ្លើងធ្លាក់ពីលើអគារនោះដែរ ខាងទីតាំងម្ចាស់អគារបានព្យាយាមលាក់បាំងរឿងហេតុដល់សម្ថកិច្ចទៀតផង សូម្បីតែអត្តសញ្ញាណជនរងគ្រោះ ខំលាក់បាំងដែរ តែទោះជាយ៉ាងណាកម្លាំងសមត្ថកិច្ចកំពុងចុះពិនិត្យនៅទីតាំងកើតហេតុ ។ ចំណែកជនរងគ្រោះកំពុងសង្រ្គោះនៅមន្ទីរពេទ្យកាល់ម៉ែត ស្ថិតក្នុងស្ថានភាពធ្ងន់ធ្ងរ៕

@Amapapa.News

Feature Ads