មណ្ឌលគិរីៈ ភ្ញៀវបរទេសម្នាក់ ដែលមកស្នាក់នៅប្រទេសកម្ពុជា (មណ្ឌលគិរី) បានលបលួចប្រើប្រាស់គ្រឿងញៀន រួចឈានទៅវាយប្លន់យកម៉ូតូពលរដ្ឋនៅខេត្តមណ្ឌលគិរី ហើយត្រូវសមត្ថកិច្ចវៃខ្នោះ ។
ករណីខាងលើបានកើតឡើងនៅថ្ងៃទី១២ ខែវិច្ឆិកា ឆ្នាំ២០១៨ ស្ថិតនៅតាមដងផ្លូវភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។ តាមការឲ្យដឹងពីសមត្ថកិច្ចជនសង្ស័យខាងលើមានឈ្មោះ គ្រីស្តូហ្វើ អាលិចសែនឌ័រ (christopher alexender) ភេទប្រុស អាយុ៣៤ឆ្នាំ ជនជាតិអាល្លឺមង់ ស្នាក់នៅបណ្តោះអាសន្នផ្ទះជួល ស្ថិតក្នុងភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី កាន់លិខិតឆ្លងដែនលេខC4KX801XC ។ក្រោយពេលជនសង្ស័យវាយយកម៉ូតូម៉ាកសង់ពីជនរងគ្រោះរួច រូបគេបានយកម៉ូតូទៅទុកនៅផ្ទះជួលដោះអាវម៉ូតូចេញដើម្បីបន្លំភ្នែកថែមទៀត ។
ក្រោយពីចាប់ខ្លួនជនសង្ស័យ សមត្ថកិច្ចបានបញ្ជូនខ្លួនមកកាន់ស្នងការខេត្តដើម្បី ចាត់ការតាមច្បាប់ ៕
ផ្ដល់សិទ្ធិដោយ៖ Campost.news