Thursday, November 8, 2018

រវល់តែនិយាយទូរស័ព្ទ ជ្រុលទៅបុករថយន្តពេញទំហឹង របួសធ្ងន់ខ្លួនឯង

អាម៉ាប៉ាប៉ាញ៉ូស

ភ្នំពេញៈ យុវជនម្នាក់ បានរងរបួសដៃជើង និងដងខ្លួន បន្ទាប់ពីរូបគាត់ស្រវឹងស្រឿងៗ ហើយឆ្លៀតនិយាយទូរស័ព្ទ ពេលកំពុងបើកម៉ូតូ Zommer-X ដោយខ្វះការប្រុងប្រយ័ត្នទៀត ក៏ជ្រុលទៅបុកពេញទំហឹង ពីក្រោយរថយន្ត Prius បើកបរដោយស្រីស្អាតម្នាក់ មកឈប់ចតកន្លែងងងឹតអែបខាងស្ដាំដៃ ដើម្បីរងចាំមិត្តភក្តិ (ដោយមិនបើកភ្លើងសញ្ញាសុំផ្លូវ) បណ្តាលឲ្យដួលអូសបោកផ្ទប់ចូលក្រោមរថយន្តតែម្ដង​។

ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង២៖១០នាទីទាបភ្លឺ ឈានចូលថ្ងៃព្រហស្បតិ៍ ទី៨ ខែវិច្ឆិកា​ ឆ្នាំ២០១៨នេះ នៅត្រង់កន្លែងបង្គោលភ្លើងដែលបាក់ច្រើនឆ្នាំ តាមផ្លូវជាតិលេខ២ (មុខផ្សារឡឥដ្ឋ) ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញនារីរូបស្រស់​២នាក់ បើករថយន្ត Pirus មួយគ្រឿង​ ពណ៌កណ្ដុរប្រមេះ ពាក់ស្លាកលេខ ភ្នំពេញ​ 2AV-0743 មកឈប់ចតកន្លែងងងឹត ត្រង់កន្លែងបង្គោលភ្លើងដែលបាក់ច្រើនឆ្នាំ តាមផ្លូវជាតិលេខ២ រួចអែបខាងស្ដាំដៃ ដើម្បីរងចាំមិត្តភក្តិម្នាក់ទៀត (ដោយមិនបើកភ្លើងសញ្ញាសុំផ្លូវ) មួយសន្ទុះក្រោយស្រាប់តែមានយុវជនម្នាក់ ស្រវឹងស្រាស្រឿងៗ ខណៈដែលកំពុងនិយាយទូរស័ព្ទ ហើយបើកម៉ូតូ Zommer-X មួយគ្រឿង​ ពណ៌ក្រហមលាយខ្មៅ (មិនចាំស្លាកលេខ) មិនប្រយ័ត្ន ក៏ជ្រុលទៅបុកពេញទំហឹង ពីក្រោយរថយន្តពេញទំហឹង​ ដួលអូសបោកផ្ទប់ចូលក្រោមរថយន្ត បណ្តាលឲ្យរងរបួស ដៃជើង និងដងខ្លួន តែត្រូវបានសមត្ថកិច្ចល្បាតប៉ុស្តិ៍ចាក់អង្រែក្រោម ចុះមកអន្តរាគមន៍ទាន់ពេល។

ក្រោយពីកើតហេតុ សមត្ថកិច្ចមូលដ្ឋានបានឲ្យ​ភាគីទាំង២​ ធ្វើការ​ចរចា​រគ្នា​មួយជំហានសិន បន្ទាន់មកជនរងគ្រោះ​ក៏ព្រមសង់ភាគីរថយន្ត​ ដោយដក​លុយ​មក​មានលុយ​ខ្មែរ ​និងលុយដុល្លារ សរុបជិត២០ដុល្លារ​ ទើប​ភាគីម្ចាស់រថយន្ត​បើករថយន្តចេញបាត់ពីកន្លែងកើតហេតុ ចំណែកឯម៉ូតូជន​រងគ្រោះ ​ត្រូវ​បាន​សមត្ថកិច្ច​ជួយ​ហៅ​រ៉ឺម៉ក​ម៉ូតូ​ មកដឹក​យក​ទៅផ្ទះ​របស់ជនរងគ្រោះ​ នៅម្ដុំមាត់ស្ទឹង​ ក្រុងតាខ្មៅ​៕

@Amapapa.News

Feature Ads