លេច​ចេញ​តម្លៃ និង​លក្ខណៈ​សម្បត្តិ​មួយ​ចំនួន​របស់ vivo Y91i ស្មាត​ហ្វូន​កម្រិត​ថវិកា​ម៉ូឌែល​ចុង​ក្រោយ​របស់ vivo!

ក្រោយពីបានដឹង ព័ត៌មាននៃការមកដល់របស់ vivo Y91i ជំនាន់ចុងក្រោយ ក្នុងពេលឆាប់ៗខាងមុខ ពេលនេះក្រុមហ៊ុន vivo ប្រចាំនៅក្នុងប្រទេសកម្ពុជា បានបង្ហើបពីតម្លៃ និងលក្ខណៈសម្បត្តិមួយចំនួន នៃស្មាតហ្វូនម៉ូឌែលនេះហើយ។

 vivo Y91i នឹងបង្ហាញខ្លួននៅក្នុងទីផ្សារក្នុងប្រទេសយើងជាមួយនឹងកញ្ចប់តម្លៃ $159 ហើយវាក៏មានជម្រើសពីរពណ៌ផងដែរ ដែលមានដូចជា ខ្មៅលាយខៀវ (Starry Black)​ និងពណ៌ទឹកសមុទ្រខៀវ (Ocean Blue)។

 ចំពោះលក្ខណៈសម្បត្តិរបស់វាមួយចំនួនវិញមានដូចជាៈ

-    ប្រើបន្ទះឈីប MediaTek 6762R, CPU Octa-core ដំណើរការបានក្នុងល្បឿន 2 GHz

-    មានរ៉េម 2GB, អង្គផ្ទុកទិន្នន័យ 16GB និងអាចថែមក្រៅបាន 256GB

-    មានថ្មទំហំ 4030 mAh

-    ដំណើរការដោយ Android 8.1 និងស្បែក Interface ប្រភេទ Funtouch OS 4.5

-    អេក្រង់ 6.22 អ៊ីញ FullView-Display ក្នុងកម្រិតបង្ហាញរូបភាព HD+ (1520 x 720) pixels និងមាន Aspect Ratio 19:9

-    មានកាមេរ៉ាមុខទំហំ 8MP, កាមេរ៉ាក្រោយ (13MP + 2MP)

-    អាចប្រើស៊ីមកាតបានពីរ

-    មានមុខងារ Face Unlock + FingerPrint

ដូចនេះសម្រាប់អតិថិជនរបស់ vivo ដែលមានបំណង នឹងចង់ក្លាយខ្លួនជាម្ចាស់ ស្មាតហ្វូនកម្រិតថវិកាជំនាន់ក្រោយនេះ អ្នកអាចរកកុម្ម៉ង់ទុកបាននៅតាមបណ្តាហាងនានាទូទាំងប្រទេស ដែលជាតំណាងចែកចាយរបស់ vivo។