ខេត្តស្វាយរៀង ៖ ដូចជាយូរណាស់ហើយសម្រាប់ផ្លូវមួយនេះ មិនឃើញមានដំណោះស្រាយសោះ ផ្លូវប្រវែង១០០ម៉ែត្រ ចាប់ពីម្ដុំមុខកាស៊ីណូ សៀងហៃ ឆ្ពោះទៅច្រកព្រំដែនទ្វេភាគីសំរោង ស្ថិតនៅក្នុងឃុំសំរោង ស្រុកចន្ទ្រា ខេត្តស្វាយរៀង បានបាក់ស្រុតខូចក្លាយជាថ្លុកដក់ទឹកដូចជាស្រះចិញ្ចឹមត្រីទៅហើយ ដោយសារគ្មានលូបង្ហូរទឹកចេញ ថែមទាំងមានទឹកហូរចេញមកពីតាមផ្ទះប្រជាពលរដ្ឋដែលសង់អមតាមបណ្តោយដងផ្លូវលើកផ្ទះខ្ពស់់ជាងផ្លូវ និងយកចំណីផ្លូវ ធ្វើជាកន្លែងលក់ដូរ ធ្វើឲ្យដងផ្លូវខូចខាតក្លាយជារណ្តៅដក់ទឹក ខួបប្រាំង ខួបវស្សា ។
ប្រជាពលរដ្ឋរស់នៅតាមដងផ្លូវ ក៏ដូចជាមហាជនដែលធ្វើដំណើរតាមផ្លូវនេះបានសំណូមពរជាច្រើនដងច្រើនលើកច្រើនសារណាស់មកហើយ សុំអោយអាជ្ញាធរឃុំសំរោង និងអាជ្ញាធរស្រុកចន្ទ្រា មេត្តាចុះមកពិនិត្យមើលផ្លូវមួយខ្សែនេះ និងជួយជួសជុលអោយប្រជាពលរដ្ឋផងលោក ។
ហើយការសំណូមពររបស់ប្រជាពលរដ្ឋនេះធ្វើឡើងនៅរសៀល ថ្ងៃទី២៣ ខែមករា ឆ្នាំ២០១៩ នៅភូមិសំរោង ឃុំសំរោង ស្រុកចន្ទ្រា ខេត្តស្វាយរៀង ។
បើតាមសមត្ថកិច្ចនគបាល ឃុំសំរោងបានឲ្យដឹងថា៖ ផ្លូវក្នុងឃុំសំរោង ត្រូវបានរាជរដ្ឋាភិបាលឲ្យកងវិស្វកម្មអគ្គនាយកដ្ឋានវិស្វកម្ម នៃកងយោធពលខេមរភូមិន្ទសាងសង់ជាផ្លូវក្រាលកៅស៊ូ រួមទាំងផ្លូវទៅកាន់ច្រកទ្វារព្រំដែនទ្វេភាគីសំរោង គឺបានក្រាលកៅស៊ូអស់ហើយនៅសល់តែប្រវែង៥០០ម៉ែត្រ នៅខាងកើតកាស៊ីណូសៀងហៃ ឆ្ពោះទៅកាន់ច្រកទ្វារសំរោង ដែលកងវិស្វកម្មមិនទាន់ធ្វើ ។
មកពីម្ចាស់កាស៊ីណូគេលើកថ្នល់នៅមុខកាស៊ីណូខ្ពស់ខាងលិចខាងកើត ទើបធ្វើអោយមុខផ្ទះរបស់ប្រជាពលរដ្ឋទាបជាង ក្លាយទៅជាថ្លុកទឹកបែបនេះ ហើយដោយសាងសង់ផ្ទះអមសងខាងផ្លូវសង់ខ្ពស់ជាងផ្លូវ និងគ្មានប្រពន្ធ័លូបង្ហូរទឹកចេញផង បណ្តាលឲ្យទឹកប្រើប្រាស់តាមផ្ទះហូរចាក់ មកលើថ្នល់ដក់ទឹក ហើយគួបផ្សំរថយន្តធំៗបើកឆ្លងកាត់ទៀត ធ្វើឲ្យបាក់ស្រុតកាន់តែជ្រៅ ធ្វើឲ្យពិបាក ក្នុងការធ្វើដំណើរយ៉ាងខ្លាំង ។
ទាក់ទិននិងរឿងរ៉ាវនេះដែរ លោក ងួន រាំ អភិបាលស្រុកចន្រ្ទា បានអោយអង្គភាពយើងដឹងតាមទូរស័ព្ទកាលពីល្ងាចថ្ងៃទី២៣ ខែមករា ឆ្នាំ២០១៩ ថា៖ បញ្ហានេះគាត់បានដឹងយូរណាស់មកហើយ រួចក៏បានចុះទៅពិនិត្យរួចហើយដែរ អាជ្ញាធរស្រុកចន្រ្ទា កំពុងតែរៀបចំប្រព័ន្ធលូបានខ្លះៗហើយដែរ ប៉ុន្តែនៅមានបញ្ហាតិចតូចដែរម្ចាស់ផ្ទះមួយចំនួនមិនព្រមសហការជាមួយអាជ្ញាធរ មិនអោយជីកដីដាក់លូ សម្រាប់បង្ហូរទឹក។
រឺឯម្ចាស់កាស៊ីណូទាំងនោះវិញចាក់ដីលើកថ្នល់ និងចាក់រសាបនៅខាងមុខកាស៊ីណូរបស់ខ្លួនខ្ពស់ជាងផ្លូវ ទើបធ្វើឲ្យថ្នល់ដែលនៅមុខផ្ទះរបស់ប្រជាពលរដ្ឋនៅកណ្តាលក្លាយជារណ្តៅដក់ទឹក និងខូចខាតយ៉ាងនេះ ។
លោក ងួន រាំ ក៏បានអោយដឹងបន្ថែមបន្តថា៖ ចំពោះបញ្ហាផ្លូវវិញដែល ខាងអាជ្ញាធរយើងពុំទាន់មានគំរោងធ្វើនិងជួសជុលនោះទេ ព្រោះរឿងផ្លូវនេះទាក់ទងនិងមន្ទីរសាធារណៈការនិងដឹកជញ្ជូន ជាអ្នកធ្វើផ្លូវនេះ។ ហើយអាជ្ញាធរស្រុកក៏និងរៀបចំគិតគូររឿងនេះដែល! រួចលោកក៏បិទទូរស័ព្ទបាត់ទៅ ។
ចំពោះស្ថានភាពនៅទីនោះ មើលទៅឃើញគគ្រិច ផ្លូវលិចទឹក ម្យ៉ាងទៀតមានភាពរញ៉េរញ៉ៃ ដោយមិនមានកិច្ចអន្តរាគមន៍ ណែនាំ ឬហាមឃាត់ពីសំណាក់អាជ្ញាធរ នៅទីនោះសោះឡើយ ។
លោក ងួន រាំ ជាអភិបាលស្រុកចន្ទ្រា មិនទាន់បង្ហាញពីការអន្តរាគមន៍បែបណា ចំពោះការលើកឡើងរបស់ប្រជាពលរដ្ឋ និងដោះស្រាយទឹកលិចផ្លូវ ភាពរញ៉េរញ៉ៃ នៅតាមដងផ្លូវ ក្នុងស្រុកចន្ទ្រានៅឡើយទេ។
សូមបញ្ជាក់ថា៖ នៅតំបន់ដែលមានផ្លូវលិចទឹកនោះ គឺជា
ទីប្រជុំជនសំរោង ដែលមានកាស៊ីណូចំនួន៩កន្លែង កំពុងដំណើរការប្រកបមុខរបរ ហើយជាតំបន់ព្រំដែនចេញ-ចូលរវាងប្រទេសកម្ពុជា និងវៀតណាម ដែលមានភ្ញៀវចេញចូលច្រើនផងដែរ ៕ ដោយ៖ស្វាយរៀង
ប្រជាពលរដ្ឋរស់នៅតាមដងផ្លូវ ក៏ដូចជាមហាជនដែលធ្វើដំណើរតាមផ្លូវនេះបានសំណូមពរជាច្រើនដងច្រើនលើកច្រើនសារណាស់មកហើយ សុំអោយអាជ្ញាធរឃុំសំរោង និងអាជ្ញាធរស្រុកចន្ទ្រា មេត្តាចុះមកពិនិត្យមើលផ្លូវមួយខ្សែនេះ និងជួយជួសជុលអោយប្រជាពលរដ្ឋផងលោក ។
ហើយការសំណូមពររបស់ប្រជាពលរដ្ឋនេះធ្វើឡើងនៅរសៀល ថ្ងៃទី២៣ ខែមករា ឆ្នាំ២០១៩ នៅភូមិសំរោង ឃុំសំរោង ស្រុកចន្ទ្រា ខេត្តស្វាយរៀង ។
បើតាមសមត្ថកិច្ចនគបាល ឃុំសំរោងបានឲ្យដឹងថា៖ ផ្លូវក្នុងឃុំសំរោង ត្រូវបានរាជរដ្ឋាភិបាលឲ្យកងវិស្វកម្មអគ្គនាយកដ្ឋានវិស្វកម្ម នៃកងយោធពលខេមរភូមិន្ទសាងសង់ជាផ្លូវក្រាលកៅស៊ូ រួមទាំងផ្លូវទៅកាន់ច្រកទ្វារព្រំដែនទ្វេភាគីសំរោង គឺបានក្រាលកៅស៊ូអស់ហើយនៅសល់តែប្រវែង៥០០ម៉ែត្រ នៅខាងកើតកាស៊ីណូសៀងហៃ ឆ្ពោះទៅកាន់ច្រកទ្វារសំរោង ដែលកងវិស្វកម្មមិនទាន់ធ្វើ ។
មកពីម្ចាស់កាស៊ីណូគេលើកថ្នល់នៅមុខកាស៊ីណូខ្ពស់ខាងលិចខាងកើត ទើបធ្វើអោយមុខផ្ទះរបស់ប្រជាពលរដ្ឋទាបជាង ក្លាយទៅជាថ្លុកទឹកបែបនេះ ហើយដោយសាងសង់ផ្ទះអមសងខាងផ្លូវសង់ខ្ពស់ជាងផ្លូវ និងគ្មានប្រពន្ធ័លូបង្ហូរទឹកចេញផង បណ្តាលឲ្យទឹកប្រើប្រាស់តាមផ្ទះហូរចាក់ មកលើថ្នល់ដក់ទឹក ហើយគួបផ្សំរថយន្តធំៗបើកឆ្លងកាត់ទៀត ធ្វើឲ្យបាក់ស្រុតកាន់តែជ្រៅ ធ្វើឲ្យពិបាក ក្នុងការធ្វើដំណើរយ៉ាងខ្លាំង ។
ទាក់ទិននិងរឿងរ៉ាវនេះដែរ លោក ងួន រាំ អភិបាលស្រុកចន្រ្ទា បានអោយអង្គភាពយើងដឹងតាមទូរស័ព្ទកាលពីល្ងាចថ្ងៃទី២៣ ខែមករា ឆ្នាំ២០១៩ ថា៖ បញ្ហានេះគាត់បានដឹងយូរណាស់មកហើយ រួចក៏បានចុះទៅពិនិត្យរួចហើយដែរ អាជ្ញាធរស្រុកចន្រ្ទា កំពុងតែរៀបចំប្រព័ន្ធលូបានខ្លះៗហើយដែរ ប៉ុន្តែនៅមានបញ្ហាតិចតូចដែរម្ចាស់ផ្ទះមួយចំនួនមិនព្រមសហការជាមួយអាជ្ញាធរ មិនអោយជីកដីដាក់លូ សម្រាប់បង្ហូរទឹក។
រឺឯម្ចាស់កាស៊ីណូទាំងនោះវិញចាក់ដីលើកថ្នល់ និងចាក់រសាបនៅខាងមុខកាស៊ីណូរបស់ខ្លួនខ្ពស់ជាងផ្លូវ ទើបធ្វើឲ្យថ្នល់ដែលនៅមុខផ្ទះរបស់ប្រជាពលរដ្ឋនៅកណ្តាលក្លាយជារណ្តៅដក់ទឹក និងខូចខាតយ៉ាងនេះ ។
លោក ងួន រាំ ក៏បានអោយដឹងបន្ថែមបន្តថា៖ ចំពោះបញ្ហាផ្លូវវិញដែល ខាងអាជ្ញាធរយើងពុំទាន់មានគំរោងធ្វើនិងជួសជុលនោះទេ ព្រោះរឿងផ្លូវនេះទាក់ទងនិងមន្ទីរសាធារណៈការនិងដឹកជញ្ជូន ជាអ្នកធ្វើផ្លូវនេះ។ ហើយអាជ្ញាធរស្រុកក៏និងរៀបចំគិតគូររឿងនេះដែល! រួចលោកក៏បិទទូរស័ព្ទបាត់ទៅ ។
ចំពោះស្ថានភាពនៅទីនោះ មើលទៅឃើញគគ្រិច ផ្លូវលិចទឹក ម្យ៉ាងទៀតមានភាពរញ៉េរញ៉ៃ ដោយមិនមានកិច្ចអន្តរាគមន៍ ណែនាំ ឬហាមឃាត់ពីសំណាក់អាជ្ញាធរ នៅទីនោះសោះឡើយ ។
លោក ងួន រាំ ជាអភិបាលស្រុកចន្ទ្រា មិនទាន់បង្ហាញពីការអន្តរាគមន៍បែបណា ចំពោះការលើកឡើងរបស់ប្រជាពលរដ្ឋ និងដោះស្រាយទឹកលិចផ្លូវ ភាពរញ៉េរញ៉ៃ នៅតាមដងផ្លូវ ក្នុងស្រុកចន្ទ្រានៅឡើយទេ។
សូមបញ្ជាក់ថា៖ នៅតំបន់ដែលមានផ្លូវលិចទឹកនោះ គឺជា
ទីប្រជុំជនសំរោង ដែលមានកាស៊ីណូចំនួន៩កន្លែង កំពុងដំណើរការប្រកបមុខរបរ ហើយជាតំបន់ព្រំដែនចេញ-ចូលរវាងប្រទេសកម្ពុជា និងវៀតណាម ដែលមានភ្ញៀវចេញចូលច្រើនផងដែរ ៕ ដោយ៖ស្វាយរៀង