រតនគិរីៈ ស្ត្រីម្នាក់ បានបាត់បង់ជីវិត បន្ទាប់ពីឈឺពោះឆ្លងទន្លេ តែទារកស្លាប់ក្នុងពោះមុនសម្រាល ទើបបណ្តាលឲ្យស្លាប់ទាំងម្តាយ កាលពីវេលាម៉ោង២៖៣០នាទីថ្ងៃទី៤ ខែមករា ឆ្នាំ២០១៩ នៅក្នុងមន្ទីរពេទ្យបង្អែកខេត្តរតនគិរី។
សពឈ្មោះ ចិត្ត កុឡាប អាយុ២១ឆ្នាំ ជនជាតិទំពួន មានទីលំនៅភូមិថ្មី ឃុំសេដា ស្រុកលំផាត់ ខេត្តរតនគិរី។
ប្រភព័ត៌មានពីក្រុមគ្រួសារ បានឲ្យដឹងថា នៅថ្ងៃទី២ ខែមករា ឆ្នាំ២០១៩ ស្រ្តីជាជនរងគ្រោះឈឺពោះឆ្លងទន្លេ មានលក្ខណៈមិនប្រក្រតី ហើយក៏បានប្តីនិងសាច់ញាតិដឹកទៅមន្ទីរពេទ្យបង្អែកខេត្តរតនគិរី។ ពេលទៅដល់ ពេទ្យពិនិត្យដឹងថា ទារកបានស្លាប់ក្នុងពោះ ក៏ចាក់ថ្នាំអោយសពទារកកើត។ ពេលសម្រាលរួច សុខភាពរបស់ម្តាយចុះខ្សោយ (មានប្រវត្តិជំងឺក្រពេះ) បាយទឹកមិនបាន ក៏បានស្លាប់នៅថ្ងៃម៉ោងកើតហេតុខាងលើ។
ក្រោយកើតហេតុកម្លាំងប៉ុស្តិ៍ឃុំសេដា បានធ្វើកំណត់ហេតុប្រគល់សព ជូនប្តីនិងសាច់ញាតិ ធ្វើបុណ្យតាមប្រពៃណី៕
