header ads

Sponsor

រតនគិរីៈ យុវតីម្នាក់ បានរងរបួសធ្ងន់ រីឯបុរសម្នាក់ទៀត រងរបួសស្រាល ក្រោយជួយហេតុការណ៍​គ្រោះថ្នាក់ចរាចរណ៍ រវាងម៉ូតូបុកម៉ូតូ ក្នុងទិសដៅ​ស្របទិសគ្នា។

គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៥៖២០នាទីល្ងាចថ្ងៃទី១០ ខែមករា ឆ្នាំ២០១៩ នៅចំណុចមុខផ្ទះលោក ចេង ហេង លើផ្លូវលេខ៧៨ ស្ថិតនៅភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។

សមត្ថកិច្ច បានឲ្យដឹងថា ភាគីម៉ូតូបង្កម៉ាក DREAM សេរី២០១៥ ពណ៌ខ្មៅ ស្លាក់លេខ រតនគិរី១E ៦៤១៣ បើកបរដោយ​ឈ្មោះ ពូយ លែប ភេទស្រី អាយុ១៩ឆ្នាំ ជនជាតិច្រាយ ទីលំនៅភូមិប៉ក់ធំ ឃុំ​ប៉ក់ញ៉ៃ ស្រុកអូរយ៉ាដាវ ខេត្តរតនគិរី( រងរបួសធ្ងន់ ចំកេងជើងខាងឆ្វេង)។ ចំណែកជនរងគ្រោះបើកម៉ូតូម៉ាកកែច្នៃ  វេវអ៊ី​ គ្មានស្លាកលេខ ឈ្មោះ​ សុង សំនាង ភេទប្រុស អាយុ៣៣ឆ្នាំ  ជនជាតិខ្មែរ រស់នៅភូមិសោមត្រក់ ឃុំ​សោមធំ ស្រុកអូរយ៉ាដាវ ខេត្តរតនះគិរី (រងរបួសស្រាល )។

សមត្ថកិច្ចបញ្ជាក់ថា មូលហេតុ បង្កឡើងដោយ​ម៉ូតូម៉ាក dream បានគេចពីរថយន្ត ហើយក៏រេចង្កូតជ្រុលទៅបុក​ម៉ូតូកែច្នៃវេវអ៊ី ពីក្រោយតែម្ដង។

ក្រោយកើតហេតុម៉ូតូ២គ្រឿង ត្រូវបានដកហូតយកមករក្សាទុកនៅប៉ុស្តិ៍រដ្ឋបាលឃុំប៉ក់ញ៉ៃ រង់ចាំដោះស្រាយគ្នាពេលក្រោយ៕

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post