Friday, January 11, 2019

មេការបូមខ្សាច់២នាក់ ជិះឡានពាក់ស្លាកលេខ ខេមរភូមិន្ទ 2,6557 រា​រាំងអ្នកកាសែត​ មិនឲ្យ​ថតសកម្មភាពបូមខ្សាច់លុបមាត់ព្រែក និងលុបព្រៃលិចទឹក

កោះកុងៈ មេការបូមខ្សាច់២នាក់ ជិះឡានពាក់ស្លាក​លេខ ខេមរភូមិន្ទ 2,6557 អ្នកទាំងពីរ រស់នៅភូមិស្រែអំបិល ឃុំស្រែអំ ស្រុកស្រែអំបិល ខេត្តកោះកុង បានរា​រាំងអ្នកសារព័ត៌មាន ដែលចុះទៅថតសកម្មភាពបូមខ្សាច់លុបមាត់ព្រែក និងលុបព្រៃលិចទឹក នៅក្នុងភូមិអណ្ដូងទឹកឃុំ អណ្ដូងទឹកស្រុកបូទុមសាគរ ខេត្តកោះកុង។

បើតាមប្រភពច្បាស់ការ បានឲ្យដឹងថា អ្នកទាំងពីរខាងលើនេះ អាងអំណាចអ្នក​ធំនៅពីក្រោយ ទើប​ថ្លើមធំហ៊ានជិះឡាន ពាក់ស្លាកលេខខេមរភូមិន្ទ ដែលជាឡានទាហាន។

ប្រភពពី​ប្រជាពលរដ្ឋ និយាយថា ឡានពាក់​ស្លាកលេខខេមរភូមិន្ទខាងលើនេះ ជាសកម្មសិទ្ធិរបស់​កូនប្រសាតាធី នៅអ៊ូទូក ជារថយន្ត​អត់ពន្ធទេ ហើយជ្រកក្រោមស្លាក ខេមរភូមិន្ទ។

ប្រជាពលរដ្ឋបានសំណូមពរដល់​សមត្ថកិច្ចពាក់ព័ន្ធ គួរណាស់ មានវិធានការទៅលើបុគ្គលិកទាំងពីរ ដែលអាងអំណចាអ្នកធំ ហ៊ានប្រព្រឹត្តបែបនេះ ជាពិសេសនោះធ្វើឲ្យបាត់បង់កេរ្តិ៍ឈ្មោះក្រសួងការពារជាតិអស់ហើយ៕

Feature Ads