Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

នាយករដ្ឋមន្ត្រី ថា រុស្ស៊ី បន្សល់ទុកស្នាដៃប្រវត្តិសាស្ត្រ នៅកម្ពុជា មានពេទ្យរុស្ស៊ី និងសាលាតិចណូ

អានផ្សេងទៀត

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា ប្រទេសរុស្ស៊ី បានបន្សល់ទុកនូវស្នាដៃ ជាប្រវត្តិសាស្រ្តមួយចំនួននៅកម្ពុជា ដូចជា មន្ទីរពេទ្យរុស្ស៊ី និងសាលាតិចណូ ដែលស្នាដៃទាំងពីរនេះ បានផ្តល់ផលប្រយោជន៍ដល់ពលរដ្ឋ និងសិស្សនិស្សិតជាច្រើនរូបនៅកម្ពុជា។

ក្នុងជំនួបពិភាក្សាការងារជាមួយ លោក Ilyas Umakhanov អនុប្រធានក្រុមប្រឹក្សា សហព័ន្ធនៃសហព័ន្ធរុស្ស៊ី នៅថ្ងៃទី១៦ ខែមករា ឆ្នាំ២០១៩ សម្ដេចតេជោ ហ៊ុន សែន បានថ្លែងថា ទំនាក់ទំនងរវាងកម្ពុជា-រុស្សី គឺជាទំនាក់ទំនងប្រវត្តិសាស្រ្ត ជាពិសេសមិត្តរុស្ស៊ីបានជួយកម្ពុជា នៅពេលជួបការលំបាកបំផុត ក្រោយពីទើបរំដោះប្រទេសចេញរួច ពីរបបប្រល័យពូជសាសន៍ប៉ុលពត។

សម្ដេចបន្តថា ប្រទេសរុស្ស៊ី ក៏បានបន្សល់ទុកនូវស្នាដៃ ប្រវត្តិសាស្ត្រមួយចំនួននៅប្រទេសកម្ពុជា ដូចជា មន្ទីរពេទ្យរុស្ស៊ី និងសាលាតិចណូជាដើម។ ទន្ទឹមនឹងនេះ មិត្តរុស្ស៊ី ក៏បានជួយដល់កម្ពុជា ក្នុងការបណ្ដុះបណ្ដាល ធនធានមនុស្សនៅប្រទេសរុស្ស៊ីផ្ទាល់ ដែលសព្វថ្ងៃនេះ បញ្ញវ័ន្តទាំងនោះ បាននឹងកំពុងបំពេញការងារ នៅក្នុងជួររាជរដ្ឋាភិបាលកម្ពុជា

សម្តេចតេជោ​ អំណរគុណចំពោះរដ្ឋាភិបាល និងប្រជាពលរដ្ឋរុស្ស៊ី ដែលបានជួយកម្ពុជាលើវិស័យផ្សេងៗ ជាច្រើនទៀតនៅកម្ពុជា។

ចំណែកលោក Ilyas បានគោរពថ្លែងអំណរគុណចំពោះ សម្តេចតេជោនាយករដ្ឋមន្ត្រី ដែលបានទទួលស្វាគមន៍យ៉ាងរាក់ទាក់បំផុតចំពោះរូបលោកផ្ទាល់ ក៏ដូចជាប្រតិភូជាន់ខ្ពស់របស់លោកដែលបានមកកាន់កម្ពុជា ដើម្បីចូលរួមក្នុងវេទិកាសភាអាស៊ី-ប៉ាស៊ីហ្វិក លើកទី២៧ (APPF-27) និងអបអរសាទរ ការប្រកាសបើកជាផ្លូវការ ក្រុមប្រឹក្សាវប្បធម៌អាស៊ី (ACC) ។

លោក Ilyas អបអរសាទរចំពោះការរៀបចំវេទិការ (APPF-27) និង ការប្រកាសបើក ក្រុមប្រឹក្សា (ACC) នៅលើទឹកដីកម្ពុជាជាលើកដំបូង។ ទន្ទឹមនឹងនេះ លោក Ilyas ថា រុស្ស៊ីឆ្នាំនេះ ចាត់ទុកថា ជាឆ្នាំនៃវប្បធម៌របស់កម្ពុជា ដែលប្រតិភូជាន់ខ្ពស់របស់ លោកទាំងអស់នឹងខិតខំប្រឹងប្រែង ធ្វើយ៉ាងណាឲ្យព្រឹត្តិការណ៍ឆ្នាំ នៃវប្បធម៌កម្ពុជានៅ រុស្ស៊ីឆ្នាំនេះ ទទួលបានជោគជ័យ ដើម្បីរួមចំណែកក្នុងការជំរុញទំនាក់ទំនង រវាងប្រទេសទាំងពីរឲ្យកាន់តែល្អ ព្រោះកម្ពុជា- រុស្ស៊ី ធ្លាប់មានប្រវត្តិទាក់ទំនងជាយូរមកហើយ ៕

Sponsor