Monday, January 14, 2019

សត្វជ្រូកជិត១០០ក្បាល បម្រុងនាំចូលពីវៀតណាម ដឹកមកកម្ពុជា តាមច្រករបៀងធ្លក សង្កាត់ច្រកម្ទេស ក្រុងបាវិត ត្រូវមន្ត្រីជំនាញចុះឃាត់

(ស្វាយរៀង)៖ សត្វជ្រូកជាច្រើនក្បាលបម្រុងនាំចូលពីវៀតណាម តាមច្រករបៀងធ្លក ត្រូវមន្ត្រីជំនាញចុះឃាត់សកម្មភាពរបស់ក្រុមការងារចុះប្រតិបត្តការណ៍ ទប់ស្កាត់ការនាំចូលសត្វជ្រូកខុសច្បាប់ ពីប្រទេសវៀតណាមមកកាន់ប្រទេសកម្ពុជា ដោយមូលហេតុគ្មានលិខិតអនុញ្ញាត ។

បើយោងតាមមន្ត្រីបសុពេទ្យនិយាយថា៖ ការចុះទប់ស្កាត់នេះ ធ្វើឡើង នៅថ្ងៃទី១២ ខែមករា ឆ្នាំ២០១៩ នៅវេលាម៉ោង០៨ និង៣០នាទីយប់ ក្រោមការបញ្ជាផ្ទាល់ពី ឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ ឲ្យក្រុមការងារបង្ក្រាបបទល្មើសចលនាសត្វ និងផលិតផលសត្វ របស់អគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តស្វាយរៀង បានឃាត់រថយន្ត ១គ្រឿង ដឹកសត្វជ្រូករស់ជិត១០០ក្បាល ចេញមកពីប្រទេសវៀតណាម  បំណងដឹកទៅកាន់រាជធានីភ្នំពេញ ដោយចូលមកតាមច្រករបៀងធ្លក ឬហៅថាច្រកម្ទេស ភូមិម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង ដោយគ្មានលិខិតអនុញ្ញាត ឬឯកសារអ្វីទាំងអស់ ។


ក្រុមមន្ត្រីជំនាញបន្តថា៖  ក្រោយពីក្រុមការងារបានឃាត់រថយន្តនោះមក ក្រុមការងារ បានប្រគល់វត្ថុតាងបទល្មើស ជូនទៅការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តស្វាយរៀង ដើម្បីអនុវត្តតាមនីតិវិធីច្បាប់ ៕ដោយ៖ស្វាយរៀង

Feature Ads