បន្ទាយមានជ័យ ៖ ករណីគ្រោះថ្នាក់ចរាចរ បង្កឡើងដោយរថយន្ត មួយគ្រឿងបុកគោយន្តកន្រ្តៃពីក្រោយពេញទំហឹង បណ្ដាលឲ្យស្លាប់ម្នាក់ របួសស្រាលម្នាក់ ហេតុការណ៍នេះបានកើតឡើងកាលពីថ្ងៃទី៩ ខែកុម្ភៈ ២០១៩ លើផ្លូវជាតិលេខ៥៦ ត្រង់ចំណុចស្រះពីខាងត្បូងសឹករងស្រុកក្នុងឃុំ-ស្រុកថ្មពួក ។
អ្នកបើកបរគោយន្តកន្ត្រៃ មានឈ្មោះ កូណ ដូង ប្រុស អាយុ២៥ឆ្នាំ រស់នៅភូមិ អណ្តូងខ្លុងឃុំគំរូ រងរបួសស្រាល និងឈ្មោះ ណែម រ៉ាត់ អាយុ ៥៧ ឆ្នាំ រស់នៅភូមិ អណ្តូងខ្លុង ឃុំគំរូ ស្រុកថ្មពួកជាអ្នករួមដំណើរ បានស្លាប់នៅនិងកន្លែង។ ចំណែកអ្នកបើកបររថយន្តរត់គេចខ្លួនបាត់បន្សល់ទុក្ខរថយន្តម៉ាកមីសុយមីស៊ី ប៉ុយសូ ពាក់ស្លាកលេខ ប.ជ ៣A -១២៨៧ នៅនិងកន្លែងកើតហេតុ។ សមត្ថកិច្ចបន្តថា ការខូចខាតរថយន្តខូចខាតស្រាល។ តែគោយន្តកន្ត្រៃខូចខាតទាំងស្រុង៕