ក្រោយបែកធ្លាយទ្រព្យសម្បតិ្តដ៏មហាសាល ពេលនេះ លោក គឹម រស្មី មេប៉េអឹម រតនគិរី ត្រូវបានព្រះមហាក្សត្របញ្ចប់តំណែង និងបណ្ដេញចេញពីក្រមខណ្ឌ

យោងតាមព្រះរាជក្រឹត្យ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ថ្ងៃទី ០៩ ខែ កុម្ភៈ ឆ្នាំ ២០១៩ ចេញព្រះរាជក្រឹត្យត្រាស់បង្គាប់ឲ្យលុបឈ្មោះ មេបញ្ជាការអាវុធហត្ថខេត្តរតនគិរី លោកគឹម រស្មី និងបញ្ចប់តំណែង ហើយបណ្តេញចេញពីក្រមខណ្ឌ នៃកងយោធពលខេមរភូមិន្ទ។

បើតាមផេគផ្លូវការរបស់សម្ដេចតេជោ ហ៊ុន សែន បានសរសេររៀបរាប់ថា ៖ នេះគឺជាវះកាត់ប្រកបដោយការឈឺចាប់។ នេះជាអភិក្រមទី៥គឺការវះកាត់។

សូមជម្រាបជូនថា កាលពីរំលងអធ្រាត្រឈានចូលថ្ងៃទី៦ ខែកុម្ភៈ ឆ្នាំ២០១៨ គេឃើញលោក គឹម រស្មី បានឡើងឈរលើវេទិកាខួបកំណើត ឈរអមដោយភរិយា និងកូនៗ ហើយលោកបានប្រកាសជាសាធារណៈចែកសែកដល់កូនៗចំនួន៥នាក់ ក្នុងម្នាក់ៗចំនួន១០ម៉ឺនដុល្លារអាមេរិក សរុប៥០ម៉ឺនដុល្លារ សម្រាប់ជាកាដូដល់ពួកគេ។