កំពតៈ រន្ធត់ណាស់! បុរសកម្មវាយថ្មភ្នំដំរីម្នាក់ បានរអិលជើងធ្លាក់ពីលើភ្នំ បណ្តាលឲ្យបោកក្បាលស្លាប់ភ្លាមៗនៅនិងកន្លែង កាលពីវេលាម៉ោង៩៖៣០នាទី ថ្ងៃទី១២ ខែកុម្ភៈ ឆ្នាំ២០១៩ ស្ថិតនៅក្នុងភូមិភ្នំដំរី ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត។
សាក្សីនៅកន្លែងកើតហេតុ បានឲ្យដឹងថា មុនពេលបុរសនោះធ្លាក់ពីលើភ្នំ បណ្តាលឲ្យបោកក្បាល និងថ្មស្លាប់ ខណៈដែលបុរសរងគ្រោះបានរអិលជើងធ្លាក់មកពីលើភ្នំ ហើយដួលបោកក្បាលនឹងថ្មតែម្តង។
សមត្ថកិច្ចបានឲ្យដឹងថា បុរសជាជនរងគ្រោះខាងលើ មានឈ្មោះ សូត្រ សិត អាយុ៥២ឆ្នាំ រស់នៅភូមិភ្នំដំរី ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត៕
