ភ្នំពេញៈ នៅព្រឹកថ្ងៃទី១៦ កុម្ភៈ ២០១៩នេះ ចំប៉ីខ្មៅក្នុងសម្លៀកបំពាក់ឯកសណ្ឋានអ្នកទោស ពណ៌ស្លាទុំ ដៃជាប់ខ្នោះយ៉ាងសង្ហារ ត្រូវបានសមត្ថកិច្ចនាំខ្លួនមកតុលាការ ដើម្បីសាកសួរពាក់ព័ន្ធសំណុំរឿងញុះញង់ឲ្យមានការរើសអើង។ អ្វីជាទីចាប់អារម្មណ៍នាពេលនេះ ចំប៉ីខ្មៅលែងញញឹមផ្គើនទៀតហើយ។
ពេលនេះលោក ពេជ្រ វិជ្ជាធរ ចៅក្រមស៊ើបសួរ កំពុងសួរយកចម្លើយលំអិតពី យិន ហេង ហៅចំប៉ីខ្មៅ ពាក់ព័ន្ធសំណុំរឿងញុះញង់អោយមានការរើសអើង តាមមាត្រា៤៩៦ នៃក្រមព្រហ្មទណ្ឌ។
គួរជម្រាបដែរថា ការឈានទៅដល់ការឃាត់ខ្លួន យិន ហេង ដែលមានគណនី Facebook ឈ្មោះ «ចំប៉ីខ្មៅ» ធ្វើឡើងបន្ទាប់ពីយុវជនរូបនេះ បានបង្ហាញវីដេអូនៅលើបណ្ដាញសង្គម នៅខាងមុខព្រះបរមរាជវាំង ដោយប្រើប្រាស់នូវពាក្យពេចន៍ធ្ងន់ៗ ដោយប្រមាថទៅដល់ជាតិសាសន៍ខ្មែរ។ វីដេអូនោះ បានធ្វើឲ្យមានការខឹងសម្បារយ៉ាងខ្លាំង ពីសំណាក់ប្រជាពលរដ្ឋខ្មែរទូទាំងប្រទេស និងថ្កោលទោសឲ្យសមត្ថកិច្ច ចាត់ការចំពោះបុគ្គលភេទទី៣នេះផងដែរ៕
