Thursday, February 7, 2019

ផឹកស៊ីមើលបាល់ទាត់សោះ គេដកកាំភ្លើងភ្ជង់ ហើយចោទថា មើលមុខសង្សារគេ ត្រូវ២កំផ្លៀង រត់ទៅប្ដឹងប៉ូលិសឲ្យជួយ

ភ្នំពេញៈ យុវជនម្នាក់ កើ​តទុក្ខមិនសុខចិត្ត រត់​មកប្ដឹងសមត្ថកិច្ចទាំងទៀបភ្លឺ​ ខណៈដែលបុរសម្នាក់ទៀត ដកកាំភ្លើងមកភ្ជង់ ហើ​យស្រែកសំឡុតថា​ "ហ៊ែងមើ​លមុខសង្សារអញ​ ចង់ញ៉ែសង្សារអញមែន?​ ហើ​យក៏ទះ​​រូបគេ២កំផ្លៀង ហើ​យលើកដៃរងក្រវី​ដៃចុះឡើ​ងៗ​ ហើ​យ​បុរសម្នាក់​នោះ​ បានយកកាំភ្លើ​ងខ្លីសៀតជាប់ចង្កេះនោះ អាមេ រួច​បុរសនោះ​ក៏ទះ​មិត្តភក្តិ​របស់គេម្នាក់ទៀត​ ២ដៃចំក្បាលពីក្រោយ​ទៀត​ រួចកាន់កាំភ្លើ​ងខ្លីនោះ​ ដើ​រត្រឡ​​ប់ទៅបើ​ករថយន្ត​ចេញទៅបាត់តែម្ដង​ ទើ​បបង្កឲ្យមានការភ្ញាក់​ឡើ​ងតែម្ដង។

ហេតុការណ៍នេះ បង្កឲ្យមានការភ្ញាក់ផ្អើលឡើ​ង​នៅវេលាម៉ោង​៤៖១០នាទីទៀបភ្លឺ​ ឈានចូលថ្ងៃទី៧ ខែកុម្ភៈ​ ឆ្នាំ២០១៩នេះ​ នៅចំណុចកន្លែងលក់ស្រាក្រឡុកមួយកន្លែង នៅក្រោយព្រះបរមរាជវាំង ផ្លូវលេខ២១៤​ កែងផ្លូវលេខ១៩ ស្ថិតក្នុងសង្កាត់ជ័យជំនះ ខណ្ឌដូនពេញ​ រាជធានីភ្នំពេញ​។

យុវជនរងគ្រោះ​ឈ្មោះ​ រុណ ហុង​ ហៅញាញ អាយុ២២ឆ្នាំ​ មុខរបរចុងភៅនៅសណ្ឋាគារមួយក្នុងខណ្ឌដូនពេញ ស្នាក់នៅបន្ទប់ផ្ទះជួល​​ សង្កាត់ផ្សារកណ្ដាល​ ខណ្ឌដូនពេញ​ ភ្នំពេញ។ ចំណែកយុវជនម្នាក់ទៀត​ជាមិត្តភក្តិ មិនត្រូវបានស្គាល់អត្តសញ្ញាណនោះទេ។

បើ​តាមសម្ដី​យុវជនរងគ្រោះ បានរៀបរាប់ប្រាប់សមត្ថកិច្ចថា មុនពេលកើតហេតុ​ រូបគេបានមកហូបអីជាមួយមិត្តភក្តិ៣នាក់ទៀត​ នៅម្ដុំក្រោយព្រះបរមរាជវាំង ដោយបាន​ជជែកគ្នាអំពីបាល់ទាត់​ យ៉ាងសប្បាយ​ក្អាកក្អាយ​ លុះពេលផឹកអស់៣ថូ​ យុវជនរងគ្រោះ​ បានលូកដៃយកទូរស័ព្ទពីមិត្តភក្តិយកមកមើ​លបាល់ទាត់ តែជ្រុលប៉ះថូដាក់ស្រា​ បណ្ដាលឲ្យធ្លាក់បែកថូអស់១​ទើមភ្ញាក់ផ្អើ​លដល់អ្នកអង្គុយផឹកជិតនោះ​ ងាកមើ​លផងដែរ​ តែរូបគេក៏បានទទួលខុសត្រូវ​ និងព្រមចេញសំណងលើ​ការខូចខាតនោះដែរ​ ដោយខាងអ្នកគិតលុយប្រាប់ថា ថូស្រានោះ​ តម្លៃតែ៥ដុល្លារ​ប៉ុណ្ណោះ​ ទើ​បរូបគេយល់ព្រមសងថ្លៃខូចខាតនោះគ្រប់ចំនួន​ផងដែរ។

យុវជនរងគ្រោះ​បន្តថា​ បន្ទាប់មករូបគេក៏បានហៅស្រា១ថូ​ទៀត​ផឹក​ ជជែកគ្នាបន្តទៀត​ ខណៈដែលការប្រកួតបាល់ទាត់កំពុងល្អមើល ពួកគេក៏​បាននិយាយថា​ បាល់នឹងចាំមើ​លខ្លាស៊ីគោហើ​យ​ ហើ​យក៏ស្រែកសប្បាយ​ក្អាកក្អាយ​បន្តទៀត​ ដោយមិនបានចាប់អារម្មណ៍ នឹងអ្នកអង្គុយជិតគ្នានោះទេ​ រហូតមកដល់ មុនពេលកើ​តហេតុបន្តិច​ រូបគេក៏ស្រវឹងស្រឿងៗដែរ ហើ​យ​ក៏បានប្រាប់អោយគេមកគិតលុយ​  រួចនាំគ្នាត្រឡ​ប់ទៅផ្ទះមុនជាមួយមិត្តភក្តិម្នាក់ទៀត​ ខណៈពេលកំពុងអូសម៉ូតូចេញ​ ស្រាប់តែមានបុរសម្នាក់​ ដើ​រចេញពីកន្លែងផឹកស៊ីនោះដែរ​ រួចដើ​រយ៉ាងលឿនទៅយកកាំភ្លើ​ងខ្លីមួយដើ​ម​ (មិនស្គាល់ម៉ាក​) ពីក្នុងរថយន្ត​ TOYOTA PRIUS ពណ៌ស​ មួយគ្រឿង​ (មិនចាំស្លាកលេខ​) ហើ​យសៀតចង្កេះ ដើ​រត្រឡប់មករកពួកគេវិញ​ រួចស្រែកសំឡុតថា​ "ហ៊ែងមើ​លមុខសង្សារអញ​ ចង់ញ៉ែសង្សារអញមែន" ហើ​យខ្លួនក៏តបទៅវិញថា​ អត់ទេបង​ "ខ្ញុំមិនបានដឹងផង​" ស្រាប់តែបុរសម្នាក់នោះ​ ទះ​​រូបគេចំនួន២កំផ្លៀង ហើ​យខ្លួន​ លើ​កដៃរង​ហើ​យក្រវី​ដៃចុះឡើ​ងៗ​ កុំអោយវៃទៀត​ ហើយ​បុរសម្នាក់​នោះ​ បានយកកាំភ្លើ​ងខ្លី ដែលសៀតជាប់ចង្កេះនោះ​ អាមេ​ រួចបម្រុងវាយទៅលើ​មិត្តភក្តិ​របស់ខ្លួន​ ទើ​បមិត្តភក្តិរបស់ខ្លួន​ លើកដៃរង​ហើ​យក្រវី​ដៃចុះឡើ​ងៗ​ ទើ​បបុរសម្នាក់នោះ​ យកដៃមកវាយមិត្តភ័ក្តរបស់ខ្លួន២ដៃចំក្បាលពីក្រោយ​ ចង់ផ្កាប់មុខ​ ភ្លាមនោះពួកគេទាំង២នាក់​ ដឹង​កាលៈទេសៈ​ទាន់​ ក៏បានលើ​កដៃសំពះសុំទោស​ ហើ​យនិយាយថា "បងអើ​យខ្ញុំ​ អត់មានបានមើ​លមុខ​ ឬញ៉ែសង្សារបងទេ​" ហើ​យក៏ឡើ​ងម៉ូតូ​ជិះឌុបគ្នាចេញទៅ​ ហើ​យបុរសនោះ​ក៏ទះ​២ដៃចំក្បាលពីក្រោយ​ទៀត​ រួចកាន់កាំភ្លើ​ងដើ​រត្រឡប់ទៅបើ​ករថយន្ត​ចេញទៅបាត់តែម្ដង​។

យុវជនរងគ្រោះ​បន្តថា​ ដោយសារតែរូបគេមិនដឹងអ្វីសោះ​ បែរជាមកចោទថា​ រកញ៉ែសង្សាររបស់គាត់​ ទាំងរូបគេមិនដឹងថា សង្សារគាត់នោះ​ មុខយ៉ាងម៉េចផង​ ព្រោះរវល់តែមើ​លបាល់ទាត់សោះ​ ក៏ស្រាប់តែបុរសនោះ​ មកប្រើ​ហិង្សាលើ​ពួកគេ​ ហើ​យដកកាំភ្លើ​ងមកភ្ជង់ពួកគេទៀត​ ដូចជាប្រមាថជីវិតពួកគេពេកហើ​យ​ ទើ​បរីបគេកើ​តទុក្ខមិនសុខចិត្ត​ ជិះម៉ូតូមកប៉ុស្តិ៍នគរបាលជ័យជំនះ​ រៀបរាប់ប្រាប់​​មេប៉ុស្តិ៍​អោយបានដឹង​ ហើ​យដាក់ពាក្យប្ដឹងតែម្ដង។

ក្រោយពីកើតហេតុ​ យុវជនរងគ្រោះ​បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលជ័យជំនះ​ នៃអធិការដ្ឋាននគរបាលខណ្ឌដូនពេញ​ ដើ​ម្បីអោយជួយស្រាវជ្រាវ​ តាមចាប់បុរសដៃដល់នោះ​ ដោយមិនដឹងថាជាមន្ត្រីរាជការ ឬមានតួនាទីអ្វីនោះទេ​ បានជាមានប្រើ​ប្រាស់កាំភ្លើង​ ហើ​យយកមកភ្ជង់គំរាមកំហែង​ប្រជាពលរដ្ឋ​នៅតាមទីសាធារណៈបែបនេះ​៕

Feature Ads