ភ្នំពេញៈ មន្រ្តីប៉េអឹមខេត្តកណ្ដាលម្នាក់ បានចងកសម្លាប់ខ្លួន នៅក្នុងបន្ទប់ស្នាក់នៅរបស់ខ្លួន ដោយពុំដឹងពីមូលហេតុទាល់តែសោះ។
ហេតុការណ៍នេះ បង្កឲ្យមានការភ្ញាក់ផ្អើលកាលពីម៉ោង៤:៤០នាទីល្ងាចថ្ងៃទី១៣ ខែកុម្ភៈ ឆ្នាំ២០១៩ នៅចំណុចផ្ទះលេខ១៨៣A ផ្លូវ៣១BT ភូមិសន្សំកុសល្យ២ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។
សពជនរងគ្រោះឈ្មោះ សុន វណ្ណះ ភេទប្រុស អាយុ៣៩ឆ្នាំ មុខរបរ កងរាជអាវុធហត្ថ(ខេត្តកណ្តាល)តួនាទី នាយការិយាល័យ ស្នាក់នៅចំនុចកើតហេតុខាងលើ។
តាមការបំភ្លឺរបស់ឈ្មោះ នួន ឆុន ត្រូវជាពូរបស់ជនរងគ្រោះ បានឲ្យដឹងថា នៅវេលាម៉ោង១២៖៣០នាទីថ្ងៃកើតហេតុ គាត់បានឃើញឈ្មោះ សុន វណ្ណៈ (សព) ដើរចូលទៅក្នុងបន្ទប់របស់ខ្លួន មិនចេញមកវិញសោះ លុះរហូតមកដល់ម៉ោងកើតហេតុខាងលើ រូបគាត់ក៏បានដើរទៅមើលក្នុងបន្ទប់របស់សព ស្រាប់តែឃើញឈ្មោះសុន វណ្ណះ បានចងកនិងខ្សែរភ្លើងជាប់និងចម្រឹងបង្អួចស្លាប់បាត់ទៅហើយ ។
ក្រោយធ្វើកោសល្យវិច្ច័យរួច ខាងជំនាញកងរាជអាវុធហត្ថសន្និដ្ឋានថា សាកសពនេះ ពិតជាធ្វើអត្តឃាតដោយចងកពិតប្រាកដមែន តែនៅមិនទាន់ដឹងមូលហេតុនៅឡើយទេ។ ពិនិត្យចប់ សមត្ថកិច្ចបានប្រគល់សពអោយទៅក្រុម គ្រួសារយកទៅធ្វើបុណ្យតាមប្រពៃណី៕