ភ្នំពេញៈ បុរសម្នាក់ មានទំនាក់ទំនងស្នេហារជាមួយនារីរួមការងារម្នាក់ តែមិនបានដឹងថា សង្សារខ្លួនមានអាយុប៉ុន្មានទេ ធ្លាប់ដើរលេងជាមួយគ្នាច្រើនលើកច្រើនសារ ប៉ុន្តែមិនបានស៊ីជម្រៅ ប៉ុន្តែថ្ងៃមួយអ្នកទាំងពីរ បាននាំគ្នាលេងនៅកោះពេជ្រ រហូតត្រូវរ៉ូវគ្នា ក៏ឡើងដេកផ្ទះសំណាក់រួមភេទបាន២ដង ហើយក៏ត្រឡប់ទៅផ្ទះវិញរៀងៗខ្លួន លុះស្អែកឡើងខាងប្រុសមិនអស់ចង់ ក៏នាំគ្នាឡើងផ្ទះសំណាក់ដដែលនោះទៀត ហើយរួមភេទបានសម្រេច បីដងថែមទៀត ទើបនាំនាងត្រឡប់ទៅផ្ទះវិញ ចៃដន្យម្តាយឪពុកនាងឃើញ ក៏សួរដេញដោល រហូតដឹងរឿងរ៉ាវ ក៏រត់ទៅប្ដឹងសមត្ថកិច្ច ឲ្យឃាត់ខ្លួនតែម្ដង។
ប្រភពព័ត៌មាន បានឲ្យដឹងថា រឿងរ៉ាវស្នេហាខាងលើនេះ គូស្នេហ៍ទាំងពីរ បានព្រមព្រៀងគ្នាឡើងផ្ទះសំណាក់ តាំងពីម៉ោង៤ល្ងាចថ្ងៃទី១៧ ខែមីនា ឆ្នាំ២០១៩ នៅចំណុចផ្ទះសំណាក់មួយកន្លែងយីហោ "២២២" ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល។
បុរសជាប់ទោសព្រោះស្នេហារូបនេះ ឈ្មោះ សំ ចន្ថា ហៅវ៉ែន អាយុ៣៨ឆ្នាំ ជនជាតិខ្មែរ ទីលំនៅក្នុងភូមិលេខ២ ឃុំស្វាយរលំ ស្រុកស្អាង ខេត្តកណ្តាល មុខរបរកម្មកររោងចក្រ។ ចំណែកនារីរងគ្រោះ អាយុ១៤ឆ្នាំ ធ្វើការជាមួយគ្នា។
សមត្ថកិច្ច បានប្រាប់រឿងហេតុ ឲ្យដឹងថា មុនពេលកើតហេតុនារីរងគ្រោះ និងជនសង្ស័យ ធ្វើការនៅរោងចក្រ ស្ថិតក្នុងភូមិបត្តាជី សង្កាត់ព្រែកហូរ ក្រុងតាខ្មៅ ផ្នែកកាត់ព្រុយខោអាវជាមួយគ្នា ពួកគេទាំងពីរស្គាល់គ្នាបានរយៈពេល៥ខែ ពេលនោះជនសង្ស័យ និងជនរងគ្រោះ ក៏ចាប់ផ្តើមលួចស្រឡាញ់គ្នា និងធ្លាប់បានដើរលេងជាច្រើនដង ប៉ុន្តែមិនធ្លាប់បានរួមភេទជាមួយគ្នាទេ។
សមត្ថកិច្ច បន្តថា លុះដល់ថ្ងៃទី១៧ ខែមិនា ឆ្នាំ២០១៩ ខាងប្រុស ក៏បានបបួលនារីរងគ្រោះ ដើរលេងនៅកោះពេជ្រ រហូតដល់វេលាកើតហេតុខាងលើ បាននាំគ្នាទៅដេករួមភេទជាមួយគ្នា បានសម្រេចចំនួន២ដង នៅផ្ទះសំណាក់ "យីហោ២២២" ហើយនៅថ្ងៃទី១៨ ខែឆ្នាំដដែល បានបន្តដេកនៅផ្ទះសំណាក់ដដែលទៀត ហើយបានរួមភេទជាមួយគ្នាបានសម្រេចចំនួនបីដងទៀត។ លុះរហូតដល់ថ្ងៃទី១៩ ខែឆ្នាំដដែល ទើបជនសង្ស័យ បាននាំនារីរងគ្រោះត្រឡប់ទៅផ្ទះវិញ ត្រូវបានម្តាយឪពុកសួរនាំដឹងរឿង ហើយក៏រត់ទៅប្ដឹងសមត្ថកិច្ច លុះដល់ថ្ងៃទី២១ ខែឆ្នាំដដែល សមត្ថកិច្ច ក៏បានឃាត់ខ្លួនខាងប្រុសតែម្តង ដល់ពេលសមត្ថកិច្ចឃាត់ខ្លួន ខាងប្រុសទើបតែដឹងថា ខាងស្រីមិនទាន់គ្រប់អាយុនៅឡើយ។
ពាក់ព័ន្ធករណីនេះ សមត្ថកិច្ចបានបញ្ជូនជនសង្ស័យទៅអធិការដ្ឋាននគរបាលក្រុងតាខ្មៅ ដើម្បីចាត់ការបន្តតាមនីតិវិធី៕