ភ្នំពេញ ៖កាលពីល្ងាចថ្ងៃទី១៦ ខែឧសភា ឆ្នាំ២០១៩ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានប្រគល់ម៉ូតូ១គ្រឿង ម៉ាកNEX ពណ៌ទឹកក្រូច ស្លាកលេខភ្នំពេញ1HQ-9186 ដែលបានរកឃើញ កាលពីថ្ងៃទី១៥ ខែឧសភា ឆ្នាំ២០១៩កន្លងទៅ នៅក្នុងស្រះទឹកមួយកន្លែង ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ប្រគល់ជូនម្ចាស់ដើមវិញឈ្មោះ ផ្លុង ឡានតូច ភេទស្រី អាយុ១៧ឆ្នាំ ជនជាតិខ្មែរ មុខរបរសិស្ស ស្នាក់នៅបន្ទប់ជួលគ្មានលេខ ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ។
ម្ចាស់ម៉ូតូ បានប្រាប់សមត្ថកិច្ច ថា ម៉ូតូរបស់គាត់បានបាត់ កាលពីថ្ងៃទី៧ ខែឧសភា ឆ្នាំ២០១៩ វេលាម៉ោងប្រហែល១ និង០០នាទីយប់។ ក្រោយពីសមត្ថកិច្ច បានពិនិត្យមើលឯកសារពាក់ព័ន្ធ និងផ្ទៀងផ្ទាត់រួច ឃើញ ថា ត្រឹមត្រូវ ទើបលោកវរសេនីយ៍ឯកជឹម ស៊ីថា អធិការនគរបាលខណ្ឌដង្កោ បានប្រគល់ម៉ូតូនេះ ជូនទៅម្ចាស់ដើមវិញ៕