ខេត្តស្ទឹងត្រែង៖ កាលពីវេលាម៉ោង ៦ និង ១០នាទី ព្រឹកថ្ងៃទី ២៣ ខែឧសភា ឆ្នាំ ២០១៩នេះ សមត្ថកិច្ចបានឃើញបំណែកដែកជាច្រើន បំណែកត្រូវបានធ្លាក់មករាយប៉ាយលើដីក្បែរ ប៉ុស្តិ៍រដ្ឋបាលនគរបាល ក្រោយសម្លេងផ្ទុះយ៉ាងខ្លាំង នៅលើអាកាស ស្ថិតឃុំអូរស្វាយ ស្រុក ថាឡាបរិវ៉ាត់ខេត្តស្ទឹងត្រែង នៅ ចម្ងាយ ប្រមាណជា ៤ គីឡូម៉ែត្រ ពីព្រំដែន ប្រទេសឡាវ។
តាមសេចក្តីរាយការណ៏ បានឲ្យដឹងថា បំណែកដែក ដែលផ្ទុះធ្លាក់មកដី នោះ ត្រូវបានសមត្ថកិច្ច ប្រមូលមក រក្សាទុកនៅ ប៉ុស្តិ៍នគរបាល រដ្ឋបាល អូរស្វាយ ស្រុកថាឡាបរិវ៉ាត់ខេត្តស្ទឹងត្រែង ដើម្បីធ្វើការស៊ើបអង្កេតបន្តទៀត ខណៈបំណែកដែកដែលធ្លាក់មកនេះ គេនៅមិនទាន់ដឹងថា ជាបំណែកអ្វីឡើយទេ សង្ស័យថា ជា Drone ប្រភេទធំ។
