![](https://blogger.googleusercontent.com/img/b/R29vZ2xl/AVvXsEjmk93itOEuJWDNWnRwGj1h8EzcDOW3q279t_AfQSdH37VzNO78MVzGSPxnrelvoaxVG0HrgHA7M35fRQ7wp7IUqkW6jwSb34cQOyv0o02qb8jzjaOL_Y_9Hpo8NHPBLfj823-yPJF_tZrN/s1600/40698.jpg)
កោះកុងៈ រថយន្តយ៉ីឌុបខ្នាតធំដឹកទំនិញស្រាបៀរលីអូ គោជល់ គ្រប់ប្រភេទ របស់ឧកញ្ញា គារ ធី បុករថយន្តខួងអណ្តូងខូចកំពុងជួសជុលលើចិញ្ចើមផ្លូវ១គ្រឿងចំពីក្រោយពេញទំហឹង បណ្តាលឲ្យរថយន្តរងការខូចខាតយ៉ាងធ្ងន់ធ្ងរ។
គ្រោះថ្នាក់ចរាចរណ៍នេះ កាលពីវេលាម៉ោង១២៖១៥នាទីថ្ងៃទី២៧ ខែកម្កដា ឆ្នាំ២០១៩ នៅលើកំណាត់ផ្លូវជាតិលេខ៤៨ ចន្លោះបង្គោលគី ឡូម៉ែត្រលេខ៤២-៤៣ ស្ថិតក្នុងភូមិធ្នង់ ឃុំកណ្តោល ស្រុកបូទុមសាគរ ខេត្តកោះកុង ។
នគរបាលស្រុកបូទុមសាគរ បានអោយដឹងថា ករណីគ្រោះថ្នាក់ចរាចរណ៍ខាងលើ បង្កឡើងដោយរថយន្ត១គ្រឿងម៉ាក Hyundai ពណ៌បៃតង ពាក់ស្លាកលេខ ភ្នំពេញ ៣B-៦៦៣៧ ដែលគេស្គាល់ថា ជារបស់ឧកញ៉ា គារ ធី បើកបរដឹកទំនិញពីកោះកុងទៅភ្នំពេញ បានទៅបុករថយន្ត១គ្រឿង ដែលខូចចតនៅចិញ្ចើមផ្លូវ កំពុងជួសជុល ម៉ាក Hyundai ពណ៌ស ពាក់ស្លាកលេខព្រៃវែង ៣A-០៣៤៤ ក្នុងទិសដៅស្របទិសគ្នា បណ្តាលអោយធ្លាក់ថ្នល់ទាំងពីរគ្រឿង។
ប្រភពនៅកន្លែងកើតហេតុ បានអោយដឹងថា ដើមហេតុ ដោយសារអ្នកបើកបររថយន្តបង្កមិនមានការប្រុងប្រយ័ត្ន គេចពីសត្វគោដើរឆ្លងផ្លូវ ទើបបុករថយន្តចតលើចិញ្ចើមទាំងកម្រោលបែបនេះ ចំណែកអ្នកបើកបររថយន្តបង្ក ត្រូវបានគេស្គាល់ថា ឈ្មោះ ស សុខឡាយ ភេទ ប្រុស អាយុ២៧ឆ្នាំ ជនជាតិខ្មែរ មានទីលំនៅ ស្រុកព្រៃឈរ ខេត្តកំពង់ចាម។
បច្ចុប្បន្ន រថយន្តទាំងពីរគ្រឿ ងត្រូវបានកម្លាំងសមត្ថកិច្ចជំនាញយកមករក្សាទុកនៅអធិការដ្ឋាននគបាលស្រុកបូទុមសាគរ ដើម្បីរងចាំការដោះស្រាយ ៕
![](https://blogger.googleusercontent.com/img/b/R29vZ2xl/AVvXsEhvNGwqhiHEC4K4UwMzJ6LpLxn9mPvFMCQyUcjiCyWUMRRWIBwzKi6NgorcaIrfROp88Bjg16mGBlNd_Q6rbg40jOizI9qtrbOeLxQuFWskodrfrgjp1qSs0wwxWVv3KxwADyG4gqJnZ3tO/s1600/809890202.jpg)
![](https://blogger.googleusercontent.com/img/b/R29vZ2xl/AVvXsEjO_QaBDnk7bMqiiz59bTeQ9kXWc5HLkRzfz0ALUqdaEEV4hlLSXMQkF0NFy3Zeh5T8t94qGQRgBklOHp4VE8uogL9NsgKWC5mqXsrT7tzz74v61GR90mRW91XUfLYhSIzKaDlythXNQiCa/s1600/809890203.jpg)
![](https://blogger.googleusercontent.com/img/b/R29vZ2xl/AVvXsEifHfhD_ne-x4BOP7fI6L_svA6R3X0iMjKkHazlJ2hPXJLBg9T-ORvH9PLcmlj_ggpSE8b21wuI9D4nvWkfFrX7kNDTDFgKGiVS56obXBmKHDQwHhFymdjDA_G6Wvx3jPFZb8WdeKOWKT_a/s1600/809890204.jpg)
![](https://blogger.googleusercontent.com/img/b/R29vZ2xl/AVvXsEgDyCMH5smKnD94U6G-J-2NKCK-QYVZ_7drb7p6PY1yTSs5VU94MRpOKYsLxo3Zg9w1UkcNtEIw7NgZ8I6ohX0E6tBtj593Q-IJkcFV4-27yJI9eGy2a1GdybSIBPG-yhi541PcO2kVAoY-/s1600/809890205.jpg)
![](https://blogger.googleusercontent.com/img/b/R29vZ2xl/AVvXsEh4T50xlM5hW6yMyGtTdZluzaSCvodJbFiK-AZE2QTEALBEyi29iHH8PQhFxoWXGW8tAyocnekUFIIVYEEn2ndpVuSZMyx1St63PbOgk-bQsvtQnBqqGn6sQjW5ux0s0d_9eHb9Wnci69DW/s1600/809890206.jpg)