![](https://blogger.googleusercontent.com/img/b/R29vZ2xl/AVvXsEjEBQrrz41FifJXc4aDRDSMThRK2iINmGuwMqw0ukQHl6cyb_oR_73A0MnKCtj2fWf0xwIoFqdYgTIL2ntlluBe2UX1xoEeYOkLNMFblgZFid2RoEu_ocV4FzrPRmv1BRtHFW84IO9FTlqD/s1600/40724.jpg)
ភ្នំពេញៈ បុរសជនជាតិចិនម្នាក់ បើករថយន្តស៊េរីទំនើប LAMBORGHINI យ៉ាងលឿនជ្រុលទៅបុករថយន្តស៊េរីទំនើប ២គ្រឿងទៀត បណ្ដាលឱ្យរងការខូចខាតយ៉ាងដំណំ តែសំណាងល្អ មិនបណ្ដាលឱ្យមានអ្នករងរបួសនោះទេ។
គ្រោះថ្នាក់ចរាចរណ៍មួយនេះ កើតឡើងនៅវេលាម៉ោង១០៖១៥នាទីយប់ថ្ងៃទី២៩ ខែកក្កដា ឆ្នាំ២០១៩ ស្ថិតនៅតាមបណ្ដោយផ្លូវព្រះនរោត្តម សង្កាត់បឹងកេងកងទី១ ខណ្ឌបឹងកេងកង។
សាក្សីដែលឃើញហេតុការណ៍ផ្ទាល់ បានប្រាប់ឱ្យដឹងថា មុនពេលកើតហេតុគេឃើញ រថយន្តស៊េរីទំនើបមួយគ្រឿងម៉ាក LAMBORGHINI ពណ៌ខៀវ ពាក់ស្លាកលេខភ្នំពេញ 2BX-6666 បើកបរដោយបុរសជនជាតិចិនម្នាក់ ក្នុងល្បឿនលឿន លុះមកដល់ចំណុចកើតហេតុបានជ្រុល ទៅបុករថយន្តស៊េរីទំនើប២គ្រឿងម៉ាក LEXUS RX350 ពណ៌សពាក់ស្លាកលេខ ព្រះសីហនុ 2B-7272 ត្រូវចំជំហៀងខាងស្ដាំ រួចក៏ជ្រុលបន្តទៅបុករថយន្តស៊េរីទំនើបមួយគ្រឿងទៀត ម៉ាក BMW 528I ពណ៌ទឹកប្រាក់ពាក់ស្លាកលេខភ្នំពេញ 2AM-1099 ចំពីមុខពេញមួយទំហឹងបណ្ដាលឱ្យរងការខូចខាតយ៉ាងដំណំ។
ភាមៗនោះគេឃើញបុរសជនជាតិចិនខាងលើ ដែលបើករថយន្តបង្កចុះពីរថយន្តដើរ មកមើលរួចដើរឡើងរថយន្តវិញ បើកគេចខ្លួនចេញ ពីកន្លែងកើតហេតុបាត់ស្រមោលតែម្ដង។ មិនបានប៉ុន្មានផងស្រាប់តែឃើញមានតំណាងខាងរថយន្តបង្កមកចរចាជាមួយភាគី រថយន្តស៊េរីទំនើបទាំង២ ដោយភាគីខាងរថយន្ត LAM BORGHINI ព្រមទទួលសងសំណង ដើម្បីបញ្ចប់រឿងនៅនឹងកន្លែងតែម្តង។
ក្រោយពេលកើតហេតុសមត្ថកិច្ចមូលដ្ឋាន បានចុះមកដល់ទីតាំងកើតហេតុរួចធ្វើការសម្របសម្រួលភាគីទាំង៣ ដោយខាងរថយន្តស៊េរីទំនើប LAMBORGHINI បានសងទៅឱ្យភាគីទាំង២ ដើម្បីបញ្ចប់រឿងនៅនឹងកន្លែងតែម្ដង៕
![](https://blogger.googleusercontent.com/img/b/R29vZ2xl/AVvXsEhVqdtozzTMMZMmgcb6fbiCnDsWqLSJ36rfEXbRPuvs0Z7rKNIVGug83FYCoWkbtHXsraAInkZ9GMN1xHlN9IlV6DSAzO0VObwaQrc-QNwpRu3nOeybMDojHxy49scg7Pwnslsz7S8V6UJo/s1600/810407602.jpg)
![](https://blogger.googleusercontent.com/img/b/R29vZ2xl/AVvXsEhePRiiH8grnZtWPncQYI0mOWc_z11WzOBUz3jOyD_QyzAq4qWmzBzqtawwDslWj-K7pq81tufP-DCXUpKTh1FD1iZhwPWkH054j2GD5yJqUwj4YO2D1D3vIfMKA8spuuTeW5W1qqqiHtDQ/s1600/810407603.jpg)
![](https://blogger.googleusercontent.com/img/b/R29vZ2xl/AVvXsEiC4flBb__VTe5_LNlSx008GQ-BPD9u-I5D5ptnORPzyQLsEx9TZwW9FF97zeIM03hGKTNfKnPsJHAW_HIXSGjpJWv5Kw-FLUiYq22EMGjqrX7PD65SVjKerkd4tYwT7I8AWwB87HUQNqew/s1600/810407604.jpg)
![](https://blogger.googleusercontent.com/img/b/R29vZ2xl/AVvXsEhZ8SB0Zp7AcRjZwTEvkh7fpwQAg9Ir-_ZJ3bceGPnD38V7gzJ3zaIKI1akdPF26l0gSJu8zHQdDVIIbJUdEjp5wXfJ2SOF3FyviuPdUkU-1Dkblf-YVLJQ1LZ6uhhMxRlCSFaH0GIpLi7m/s1600/810407605.jpg)
![](https://blogger.googleusercontent.com/img/b/R29vZ2xl/AVvXsEhVif7q4IlgDTU0yM2UxQPXhTJ72UqeSD1qDJqMzIfgEdKEVg0sune3WCm_WZprNBhCvx8bfCTcqRa2xILWp7bYRBaRHFwC6KOER1DwrPugMQosR5SwBpwD3C-Pvhs7F2tTrDPCmaFB2JOg/s1600/810407606.jpg)
![](https://blogger.googleusercontent.com/img/b/R29vZ2xl/AVvXsEjXnZVA0KFgWJIjiF3iOZVhFe_gB_HjFMpaYGM8eVL1OwrW3xsYGaVDsenvSUm4qKcdY3udQt-NY0eJ2Iu5drK8GzsXnx6q-ji_MaYQsWEJ4evttiMotAIFO9nh44BwfXTlFqzNEU_22SvR/s1600/810407607.jpg)
![](https://blogger.googleusercontent.com/img/b/R29vZ2xl/AVvXsEiRuEoo927lvypmU0Iyzfu-oQy2s5Qo4Ltfe3V1s3lcnpOSUQ955ATHWorp867J4-BlOWCbB31k0Lu-SR4-pQ7xGk9_Py15FmEgxTrv3f2p8SuKUtl_eOUUYDdH6KXctCAnWJ27dt2tj-gg/s1600/810407608.jpg)