ភ្នំពេញ៖ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើងស្ថិតនៅម្តុំផ្អាវ ដោយរថយន្តសង្គ្រោះបន្ទាន់ «ស្គន់» ស្រុកជើងព្រៃ បានបុកចំពីក្រោយរថយន្តកុងទីណ័រ ខូចខាតស្ទើរទាំងស្រុង ខណៈដឹកអ្នកជំងឺមកសង្គ្រោះនៅមន្ទីរពេទ្យក្រុងភ្នំពេញ កាលពីយប់ថ្ងៃទី១២ ខែសីហា ឆ្នាំ២០១៩ ។
តាមប្រភពបានឲ្យដឹងថា ក្នុងករណីគ្រោះថ្នាក់ចរាចរណ៍ដ៏រន្ធត់នេះ គ្រូពេទ្យដែលនៅក្នុងរថយន្តសង្គ្រោះបន្ទាន់ រងរបួសធ្ងន់ជាងគេ ខណៈដែលតៃកុងមានសភាពល្មម ឯអ្នកជំងឺមិនប៉ះពាល់ពីគ្រោះថ្នាក់នេះទេ ហើយគ្រូពេទ្យរបួសធ្ងន់ ដោយសារឈរទប់អ្នកជំងឺប្រកាច់ មុនពេលគ្រោះថ្នាក់ ៕
