ភ្លៀងនឹងបន្តធ្លាក់ខ្លាំងតាមបណ្តាខេត្តជាប់សមុទ្រ និងខេត្តជាប់ព្រំដែនវៀតណាម ហើយជំនន់ទឹកភ្លៀងអាចកើតមាននៅខេត្តក្រចេះ និងត្បូងឃ្មុំ

អានផ្សេងទៀត

(ភ្នំពេញ)៖ នៅថ្ងៃទី០៧ ខែសីហា ឆ្នាំ២០១៩នេះ ក្រសួងធនធានទឹក និងឧតុនិយម បានជូនដំណឹងថា ចាប់ពីថ្ងៃនេះដល់ថ្ងៃទី១០ ខែសីហា តាមបណ្តាខេត្តជាប់សមុទ្រ ដូចជាខេត្តកោះកុង, ព្រះសីហនុ, កំពត និងខេត្តកែប និងខេត្តជាប់ព្រំដែនវៀតណាម ដូចជាខេត្តក្រចេះ និងត្បូងឃ្មុំ អាចនឹងមានជំនន់ទឹកភ្លៀង ដោយសារឥទ្ធិពលនៃប្រព័ន្ធសម្ពាធទាប។

សេចក្តីជូនដំណឹងបានបញ្ជាក់ថា សម្ពាធទាបនេះបង្កដោយព្យុះចំនួនបី កើតឡើងព្រមគ្នា នៅភាគខាងកើតប្រទេសហ្វីលីពីន ក្នុងសមុទ្រប៉ាស៊ីហ្វិក គឺព្យុះឈ្មោះ ហ្វ្រង់ស៊ិស្កូ ( Francisco), ព្យុះឡេគីម៉ា ( Lekima) និងព្យុះក្រសារ ជាឈ្មោះភាសាខ្មែរ៕