ភ្នំពេញ ៖ កាលពីវេលា១១និង៣០នាទីយប់ថ្ងៃទី២២ ខែកញ្ញា ឆ្នាំ២០១៩ រថយន្តតូយូតាព្រូសមួយគ្រឿងបើកបរលក្ខណៈគ្រួសារប្រុសស្រីក្មេងចាស់បុកក្បាលព្រួញពុះចែកទ្រូវផ្លូវបាក់អស់២កង់រថយន្តនិងបណ្ដាលឲ្យក្រឡាប់ផ្ងាជើងឡើងលើនិងររបួសធ្ងន់ស្ត្រីម្នាក់ នៅចំណុចមុខក្រសួងវប្បធម៌និងវិចិត្រសិល្បៈ តាមបណ្តោយផ្លូវព្រះនរោត្តម ក្នុងសង្កាត់ទន្លេរបាសាក់ ខណ្ឌចំការមន។
តាមប្រភព័ត៌មានពីកន្លែងកើហេតុបានឲ្យដឹងថាមុនកើតហេតុ គេឃើញរថយន្តតូយូតាព្រូសមួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ2BA-3550 បើកបរជាលក្ខណៈគ្រួសារប្រុសស្រីក្មេចាស់៤-៥នាក់ ធ្វើដំណើរចុះពីលើស្ពានអាកាសក្បាលថ្នល់ទិសដៅពីត្បូងទៅជើង។ ខណៈមកដល់ចំណុចកើតហេតុខាងលើ បានរេចង្កូតមកខាងឆ្វេងដៃ ជ្រុលទៅបុក្បាលនាគពុះចែកទ្រូងផ្លូវបាក់អស់២កង់ បណ្តាលស្ត្រីម្នាក់រងរបួសដៃម្ខាងធ្ងន់ ត្រូវសាច់ញាតិបញ្ជូនទៅសង្គ្រោះនៅឯមន្ទីពេទ្យភ្លាមៗ។ ចំណែករថយន្តក្រឡាប់ផ្ងាជើងច្រង៉ាងនិងខ្ទេចផ្នែកខាងមុខយ៉ាងដំណំ។
ក្រោយកើយហេតុសមត្ថកិច្ចមូលដ្ឋាន បានចុះមកដល់បានទំនាក់ទំនងទៅសមត្ថកិច្ខជំនាញចុះមកធ្វើការវាស់វែង យករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយគ្នាទៅតាមផ្លូវច្បាប់៕