ក្រុងព្រះសីហនុ៖ បុរសម្នាក់ត្រូវបាននគរបាលឃាត់ខ្លួន ក្រោយពីប្រើហិង្សាវាយទាត់ធាក់ទៅលើក្មេងតូចជាកូនចុង កាលពីម៉ោង៤ទៀបភ្លឺ ថ្ងៃទី ០៨ ខែកញ្ញា ឆ្នាំ២០១៩ នៅភូមិបត់គគីរឃុំអូរឧកញ៉ាហេង ស្រុកព្រៃនប់ខេត្តព្រះសីហនុ។
បើតាមនគរបាលបញ្ជាក់តាមរបាយការណ៍ថា ជនសង្ស័យឈ្មោះ អ៊ូម ពៅ ភេទ ប្រុស អាយុ៤៦ឆ្នាំ មុខរបរមិនពិតប្រាកដ បានប្រើអំបោស ជារំពាត់ ប្រើដៃនិងជើង វាយ ទាត់ធាក់ទៅលើកូនចុង ឈ្មោះ ពៅ ដំ ភេទ ប្រុស អាយុ៣ ឆ្នាំ បណ្តាលអោយរងរបួសពេញដងខ្លួន ដែលតាមស្ត្រីជាម្តាយក្មេងតូចអះអាងថា ដោយសារបុរសជាឪពុកចុងនេះ ស្រវឹងស្រារករឿងវាយរូបគាត់ជាប្រពន្ធមិនបាន ទើបវាយកូនចុងតែម្តង។
បច្ចុប្បន្ន នគរបាលឃាត់ខ្លួនជនសង្ស័យដើម្បីចាត់ការតាមនីតិវិធី៕
