header ads

ឯកឧត្តមវិល្លាម សមាជិកឧត្តមក្រុមប្រឹក្សា ពិគ្រោះ និងផ្ដល់យោប់ បានប្រកាស គាំទ្រពេញទំហឹងចំពោះយុទ្ធនាការបង្ក្រាបគ្រឿងញៀនកន្លងមក តែករណីនៅ ស្ថានីយ៍ឥន្ទនៈមួយកន្លែង ស្ថិតនៅសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ កាលពីថ្ងៃទី១០ ខែធ្នូ ឆ្នាំ២០១៩ បានពិនិត្យឃេីញថាសមត្ថកិច្ចអនុវត្តន៍ច្បាប់បំពេញភារកិច្ចរបស់ខ្លួនមានភាពចន្លោះប្រហោង។

នេះបើតាមឯកឧត្តមបានឲ្យដឹងថា៖

១ ៖ ការចុះឃាត់ខ្លួនក្នុងបទល្មេីសជាក់ស្ដែង គឺត្រូវឆែកឆេរកវត្ថុតាងសិន បេីឆែកឃេីញថាពិតជាមានវត្ថុតាងល្មេីសមែនសឹមឃាត់ខ្លួនកសាងរបាយការណ៍ បញ្ជូនទៅតុលាការ

២ ៖ ក្នុងករណីជននេះ មានរងការចង្អុលបង្ហាញឬមានបណ្ដឹងពីជនពាក់ព័ន្ធនានាថាមានជាប់ពាក់ព័ន្ធករណីគ្រឿងញៀន គួរអញ្ជេីញគេទៅសាកសួរ ស្រាវជ្រាវ នឹងស្វែងរកភស្តុតាង

មិនមែនទៅដល់វាយខ្នោះគេគ្រឹប អត់ទាន់រកភស្តុតាងផង ស្រាប់តែដល់ការិយាល័យ បង្ហាញថាមានគ្រឿងញៀន៧កញ្ចប់។

ចុះបេីមានគ្រឿងញៀន ម្ដេចមិនឆែករកភស្តុតាងមុនចាប់ ?

ក្នុងនាមខ្ញុំជាមន្ត្រីតាមដានការអនុវត្តន៍ច្បាប់ ខ្ញុំសង្ឃឹមថា អាជ្ញាធរគ្រប់ជាន់ថ្នាក់នឹងអនុវត្តន៍តួនាទីភារកិច្ចរបស់ខ្លួនស្របតាមច្បាប់ជាធរមាន ចៀសវាងរងការចោទប្រកាន់ពីមហាជន នឹងធ្វេីអោយការជឿជាក់របស់មហាជនកាន់តែស្រុតចុះ នាំអោយអង្គភាពរបស់រដ្ឋ បាត់បង់កិត្តិយស។

យ៉ាងណាមិញឯកឧត្តមគាំទ្រលេីកទឹកចិត្ត ចំពោះយុទ្ធនាការបោសសម្អាតគ្រឿងញៀនតាមយុទ្ធសាស្ត្រភ្លៀងរលឹមនេះអោយតែជាយុទ្ធនាការដែលសមត្ថកិច្ចយេីងអនុវត្តន៍បានត្រឹមត្រូវស្របតាមនីតិវិធីច្បាប់ យ៉ាងណាមិញប្រសិនជានៅតែឃេីញថាករណីមានកំហុសដដែលៗមិនព្រមកែប្រែ នោះមន្ត្រីតាមដានការអនុវត្តន៍ច្បាប់នឹងចាត់វិធានការលេីអស់លោកដែលជាមន្ត្រីពាក់ព័ន្ធវិញម្ដង ។

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post