នៅថ្ងៃព្រឹកថ្ងៃទី៣០ខែ ធ្នូ ឆ្នាំ២០១៩ នេះ រដ្ឋបាលខេត្តកំពង់ស្ពឺបានរៀបចំពិធីសម្ពោធដាក់ឱ្យ ប្រើប្រាស់ជាផ្លូវការនូវស្ពានអាកាសថ្មើរជើងដែលឈ្មោះថា “តេជោសន្តិភាព” ដែលស្ថិតក្នុងខេត្ត កំពង់ស្ពឺដំបូងគេបង្អស់ ។
ស្ពានអាកាសថ្មើរជើងនេះ សាងសង់ឡើងក្នុងរយះពេល ៦ខែ ដែលមានកម្ពស់ ៥.៧ ម៉ែត្រ បណ្តោយ ៣៩.៣៩ ម៉ែត្រ ទទឹង ៣.៨០ ម៉ែត្រ សរុបអស់ថវិកាប្រមាណ ៣៤ម៉ឺនដុល្លា ក្រោម ជំនួយក្រុមហ៊ុនហេងអភិវឌ្ឍន៍។
ទាំងអាជ្ញាធរ និងពលរដ្ឋស្ពានអាកាសថ្មើរជើងនេះនឹងជួយ កាត់បន្ថយការកកស្ទះចរាចរណ៍ ពីព្រោះថា ខេត្តកំពង់ស្ពឺនេះ ជាខេត្តមួយដែលមានចរាចរណ៍មមាញឹក មិនចាញ់រាជធានីភ្នំពេញនោះទេ ដោយមានរថយន្តដឹកទំនិញធំៗ ឆ្លងកាត់មិនដាច់។ ដូច្នេះស្ពានអាកាសថ្មើរជើង នឹងអាចជួយសម្រួលដល់អ្នកដើរឆ្លងផ្លូវបានច្រើន។ម្យ៉ាងវិញទៀត ក៏ដូចជាចូលរួមចំណែកយ៉ាងធំធេងក្នុងការលើកកម្ពស់សោភ័ណភាព និងមុខមាត់ខេត្តកំពង់ស្ពឺផងដែរ ៕
ផ្ដល់សិទ្ធិដោយ៖ KhmerNas