Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ទន្លេ​មេ​គង្គ​នៅ​ភាគ​ខាង​ជើង​ឆៀង​ខាង​កើត​ប្រទេស​ថៃ​ស្រក​ចុះ​នៅ​សល់​កម្ពស់​ទឹក​១​ម៉ែត្រ

អានផ្សេងទៀត

ឆ្នេរខ្សាច់ដ៏ធំមួយបានផុសឡើងនៅតាមដងទន្លេមេគង្គក្នុងខេត្ត Nakhon Phanom ដែលស្ថិត​នៅភាគ​ខាង​ជើង​ឆៀង​ខាងកើតនៃប្រទេសថៃ ដោយសារតែទឹកទន្លេមានកម្រិតទាប ហើយបានធ្វើអោយសេវាកម្មធ្វើដំណើរ​តាម​ទូក​រវាង​ប្រទេសថៃនិងឡាវជួបការលំបាក។

សារព័ត៌មាន The Bangkok Post បានចេញផ្សាយនៅថ្ងៃទី៥មករាថា ទឹកបាន​ស្រក​ចុះ​ទាប​បំផុត​ក្នុង​ទន្លេ​មេ​គង្គ ដែលមិនធ្លាប់កើតឡើងក្នុងរយៈពេលជាច្រើនទស្សវត្សរ៍មកនេះ ដោយបានបណ្តាលឱ្យឆ្នេរខ្សាច់លេចឡើង ហើយ​បានបង្កជាឧបសគ្គដល់សេវាកម្មទូកឆ្លងកាត់ព្រំដែនរវាងប្រទេសថៃនិងឡាវ។

កម្រិតទឹកទន្លេមេគង្គទាបនេះ គឺបណ្តាលមកពីកត្តាជាច្រើន រួមទាំងគ្រោះរាំងស្ងួត និងការ​រក្សាទឹកទុកនៅទំនប់​វារី​អគ្គិសនីជាច្រើននៅខ្សែទឹកខាងលើក្នុងប្រទេសចិន។

ស្រុកមួយចំនួននៅក្នុងខេត្ត Nakhon Phanom គឺកម្ពស់ទឹកទន្លេបានស្រកចុះនៅសល់កម្ពស់តែប្រហែល១​ម៉ែត្រ ដែលបណ្ដាលឱ្យលេចឡើងឆ្នេរខ្សាច់មានប្រវែងជាងមួយគីឡូម៉ែត្រ ហើយបាន​ធ្វើឱ្យសេវាកម្ម​ទូក​ដឹក​អ្នក​ដំណើរឆ្លងកាត់ព្រំដែន ត្រូវបង្ខំធ្វើដំណើរចម្ងាយឆ្ងាយជាងមុន ដោយសារត្រូវជៀសឆ្នេរខ្សាច់ ខណៈ​ការ​នេសាទ​និង​វិស័យ​កសិកម្ម ក៏កំពុងរងផលប៉ះពាល់ដែរ។

លោកSayam Sirimongkol អភិបាលខេត្ត Nakhon Phanom បាននិយាយថា រដូវភ្លៀង​នឹងកើត​មាន​នៅ​រយៈ​ពេលជាច្រើនខែខាងមុនទៀត ហើយខេត្តបានដាក់ចេញផែនការមួយដើម្បីជំនះបញ្ហា។ លោកថា ម៉ាស៊ីន​ត្រូវ​បាន​ប្រើ​ដើម្បីបូមខ្សាច់ចេញពីទន្លេដើម្បីបើកផ្លូវសម្រាប់សេវាកម្មទូក និងជីកនៅកន្លែងទន្លេ​ដើម្បីបង្កើត​អាង​សម្រាប់​ផលិតទឹកដល់ម៉ាស៊ីនបូមខ្សាច់។

លោកបាននិយាយថា បន្ទាប់ពីបានដាក់សំណើទៅរដ្ឋាភិបាលខេត្តនេះ ខេត្តត្រូវបានផ្តល់ថវិកាជិត​២០០​លាន​បាត សម្រាប់អនុវត្តគម្រោងចំនួន៣៧១ ដើម្បីបូមខ្សាច់ក្នុងទន្លេនៅខណ្ឌចំនួន១២ ដើម្បីរក្សាទុក​ទឹក​សម្រាប់​ប្រើ​ប្រាស់និងវិស័យកសិកម្ម៕

ផ្ដល់សិទ្ធិដោយ៖ Khmernas
Sponsor