header ads

Sponsor
ទី​ភ្នាក់​ងារ​សារ​ព័ត៌​មាន​កម្ពុជា​(AKP)​បាន​រាយ​ការណ៍​ថា កាល​ពី​ថ្ងៃ​ទី​២២​ខែ​មករា​នេះ សិស្ស​សាលា​វិទ្យា​ល័យ ហ៊ុន សែន ស្វាយធំ ស្ថិត​ក្នុង​ឃុំ​កណ្ដែង ស្រុក​ប្រាសាទ​បាគង ខេត្ត​សៀម​រាប ចំនួន​៥៥​នាក់ បាន​កើត​មាន​អាការៈ ឈឺ​ក្បាល ហៀរ​ទឹក​ភ្នែក និង​រក​ក្អួត ហើយ​ត្រូវ​បាន​អាជ្ញា​ធរ​ដឹក​យក​ទៅ​មណ្ឌល​សុខ​ភាព ដើម្បី​ពិនិត្យ​និង​ជួយ​សង្គ្រោះ​បាន​ទាន់​ពេល​វេលា​។


លោក សូ ប្លាតុង អភិ​បាល​ស្រុក​ប្រាសាទ​បាគង​បាន​ប្រាប់​ទី​ភ្នាក់​ងារ​សារ​ព័ត៌​មាន​កម្ពុជា​ថា ក្រោយ​ពី​មាន​ក្រុម​ការ​ងារ​ចុះ​ស្រាវ​ជ្រាវ គឺ​រក​ឃើញ​ថា មូល​ហេតុ​ដែល​នាំ​ឱ្យ​សិស្ស​សាលា​ទាំង​នោះ កើត​មាន​អាការៈ​ទាំង​បែប​នេះ គឺ​បណ្ដាល​មក​ពី​ការ​ដុត​សំរាម​ក្បែរ​សាលា​រៀន ធ្វើ​ឱ្យ​ប៉ះ​ពាល់​បរិ​ស្ថាន និង​ខ្វះ​អុក​ស៊ី​សែន​។


លោក​ថា​«​រហូត​មក​ដល់​ម៉ោង​៧​យប់​ថ្ងៃ​ទី​២២​នេះ​(​ថ្ងៃ​ទី​២២​) សិស្សា​នុ​សិស្ស​មួយ​ចំនួន​ធំ​ធូ​រស្បើយ និង​ត្រូវ​បាន​ឱពុក​ម្តាយ​នាំ​ទៅ​ផ្ទះ​វិញ​ហើយ ​នៅ​សល់​តែ​ប្រមាណ​១០​នាក់​ប៉ុណ្ណោះ​ ដែល​សម្រាក​បន្ត​តាម​ដាន និង​ពិនិត្យ​សុខ​ភាព​នៅ​ក្នុង​មណ្ឌល​សុខ​ភាព​។ ជា​មួយ​គ្នា​នេះ លោក​ក៏​បាន​ណែ​នាំ​ដល់​គណៈ​គ្រប់​គ្រង​សាលា ក៏​ដូច​ជា​អ្នក​រស់​នៅ​ជិត​ខាង​សាលា​រៀន​ឱ្យ​បញ្ឈប់​ការ​ដុត​សំរាម​នៅ​ជិត​សាលា​រៀន​បែប​នេះ​ត​ទៅ​ទៀត ព្រោះ​វា​ប៉ះ​ពាល់​បរិ​ស្ថាន សុខ​ភាព ពិសេស​ប៉ះ​ពាល់​ដល់​សុខ​ភាព​សិស្ស​ជា​ខ្លាំង​ណាស់​»​៕ ផ្ដល់សិទ្ធិដោយ ៖ khmernas

Feature Ads

Previous Post Next Post
Sponsor