ស្របពេលស្ថានភាពជំងឺឆ្លងតាមផ្លូវដង្ហើមថ្មីដែលមានឈ្មោះថា កូរ៉ូណា (Corona) ដែលកំពុងរាតត្បាតនៅប្រទេសចិន ហើយពេលនេះបានមកដល់ប្រទេសមួយចំនួនដូចជា អាមេរិក, អូស្ត្រាលី, កាណាដា, បារាំង, នេប៉ាល់, ជប៉ុន, សិង្ហបូរី, កូរ៉េខាងត្បូង, ថៃ, វៀតណាម និងម៉ាឡេហ្សី ។ជាមួយគ្នានេះក៏ មានជនអគតិគ្មានស្មារតីជាតិនិយម និងបង្កេីតឱកាសនិយម ផ្សព្វផ្សាយបំភ្លេីសពីស្ថានភាពជំងឺ CoronaVirus ថាមកដល់កម្ពុជា បន្ទាប់មក តម្លេីងថ្លៃ ម៉ាស់ ១ គុណជា ១០ និងបង្កេីតព័ត៌មានខ្វះមូលដ្ឋានថារបស់នេះអាចទប់ស្កាត់ជំងឺរបស់នោះអាចទប់ស្កាត់ជំងឺ ដេីម្បីធ្វេីអោយទំនិញនោះឡេីងតម្លៃខុសប្រក្រតី ។
ក្នុងន័យនេះឯកឧត្តម វិល្លាម ប្រធានគណបក្សខ្មែរក្រោក អំពាវនាវដល់អាជ្ញាធរមានសមត្ថកិច្ចពាក់ព័ន្ធ មេត្តាពិនិត្យអោយបានម៉ឺងម៉ាត់នឹងអនុវត្តន៍អោយបានតឹងរឹង ចំពោះជនទាំងនោះ ។
ជាមួយគ្នានេះដែរឯកឧត្តម ស្នើបងប្អូនប្រជាពលរដ្ឋតាមដានយ៉ាងខ្ជាប់ខ្ជួនជាមួយសេចក្ដីប្រកាសរបស់ក្រសួងសុខាភិបាល ដេីម្បី ការពារខ្លួនជាមុនក្នុងការប្រយុទ្ធប្រឆាំងជាមួយជំងឺឆ្លងដ៏កាចសាហាវ CoronaVirus និងកុំងាយជឿចំពោះការឃោសនាផ្សេងៗ ។
និងសុំអំពាវនាវដល់គ្រប់ដេប៉ូ អាជីវកម្ម ដែលមានលក់ម៉ាស់ មេត្តាកុំតម្លេីងថ្លៃហួសហេតុ ចំពោះ វត្ថុ ដែលមានសារសំខាន់ក្នុងការទប់ស្កាត់ជំងឺឆ្លងនេះ ។
