Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ព្រឹកនេះកម្មករ កម្មការិនីចំនួន ៤៥នាក់ នៅរោងចក្រវ៉ូណាមី បន្តដួលសន្លប់

អានផ្សេងទៀត

(ខេត្តតាកែវ)៖ ព្រឹកនេះថ្ងៃទី២២ ខែមករា ឆ្នាំ២០២០ មានកម្មករ កម្មការនី ៤៥នាក់ បានដួលសន្លប់ជាបន្តទៀត នៅក្នុងរោងចក្រ វ៉ូណាមី ស្ថិតនៅឃុំសូភី ស្រុកបាទី ហើយត្រូវបានអាជ្ញាធរបញ្ជូនមកសម្រាកព្យបាលនៅ មន្ទីរពេទ្យបង្អែកស្រុកបាទី មណ្ឌលសុខភាពត្រាំខ្នារ និងគ្លីនិកដើមរកា។

នេះបើយោងតាមការឲ្យដឹងពី លោក មូល វិចិត្រ អភិបាលរងខេត្តតាកែវ ។

សូមបញ្ជាក់ដែរថា កាលពីថ្ងៃទី២១ ខែមករា ឆ្នាំ២០២០ នៅក្នុងរោងចក្រ វូណាមី ស្ថិតនៅភូមិសំរោង ឃុំសូភី ស្រុកបាទី មានកម្មករ កម្មការនីដួលសន្លប់ ចំនួន ៤៤នាក់ នេះបើយោងតាមការបញ្ជាក់ពីលោក ភួន ឈីម អភិបាលស្រុកបាទី។

ជុំវិញករណីកម្មករដួលសន្លប់នេះដែរ លោក ម៉ឹង វីរីយ៉ា ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្ត បានបញ្ជាក់ថា មូលហេតុដំបូងមានកម្មការិនីមានផ្ទៃពោះម្នាក់មានអាការៈទន់ដៃទន់ជេីង កម្មករនៅជិតខាងក៏សែងចេញ ពេលនោះកម្មករដទៃទៀតបានឃេីញមានការភិតភ័យក៏ចាប់ផ្តេីមដួលសន្លប់ជាបន្តបន្ទាប់គ្នា យ៉ាងដូច្នេះ។

លោកប្រធានមន្ទីរបានបន្តថា មន្រ្តីជំនាញ រួមជាមួយនឹងអាជ្ញាធរដែនដីបានទៅពិនិត្យកន្លែងកេីតហេតុ និងពិនិត្យបរិស្ថានកន្លែងធ្វេីការ បរិស្ថានជំុវិញក្រុមហ៊ុន ឃេីញថាមិនមានអ្វីគួរកត់សំគាល់ទេ លេីកលែងតែផ្លិតទឺក បានពិនិត្យឃេីញ ថាកខ្វក់ខ្លាំង មានធូលីច្រេីន ដែលមិនអាចអោយខ្យល់បរិសុទ្ធចេញចូលបាន។ ប៉ុន្តែក្រុមការងារបានណែនាំដល់ រោងចក្រ ឲ្យរៀបចំសម្អាតឡើងវិញរួចហើយ​៕

Sponsor