Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

អាជ្ញាធរថា៖ បរិវេណប្រាសាទអង្គរនឹងមានស្មៅដុះបៃតង ទាំងរដូវប្រាំង និងវស្សាចាប់ពីឆ្នាំ២០២០ទៅ

អានផ្សេងទៀត

អាជ្ញាធរ​ជាតិ​អប្សរា​បាន​បាន​បញ្ជាក់ថា ខ្លួន​កំពុង​យកចិត្តទុកដាក់ កែលម្អ​បរិស្ថាន​នៅ​ជុំវិញ​បរិវេណ​ប្រាសាទអង្គរវត្ត ដោយ​ចាប់ផ្តើម​ពី​ការដាំ​ស្មៅ ដាំ​កូនឈើ ដាំ​ផ្កា​ព្រៃ ជួសជុល​ផ្លូវ​និង​ប្រព័ន្ធ​រំដោះ​ទឹក ព្រមទាំង​រៀបចំ​ប្រព័ន្ធ​ស្រោចស្រព​ស្វ័យប្រវត្តិ​វាលស្មៅ​ទាំង​ខួបប្រាំងខួបវស្សា។ នេះ​បើ​ទំព័រ​ហ្វេ​ស​ប៊ុ​ក​អាជ្ញាធរ​ជាតិ​អប្សរា​ចេញផ្សាយ​នៅ​ថ្ងៃទី១៤មករា។

ការសន្យា​ដាំ​ស្មៅ​ឱ្យ​រមណីយដ្ឋាន​អង្គរក្លាយជា​តំបន់​បៃតង​វិញ​នេះ បន្ទាប់ពី​រយៈ​ប៉ុន្មាន​ថ្ងៃ​មកនេះ អ្នកលេង​បណ្ដាញ​សង្គម​ហ្វេ​ស​ប៊ុ​កបាន​ថត​បង្ហោះ និង​រិះគន់​អំពី​ទិដ្ឋ​ភាព​ក្រៀម​ក្រោះ នៃ​វាល​ស្មៅ​នៅ​ជុំវិញ​ប្រសាទ​អង្គរ​វិញ។

ប៉ុន្តែ​ទោះជា​យ៉ាងណា អ្នកនាំពាក្យ​អាជ្ញាធរ​ជាតិ​អប្សរា លោក ឡុង កុសល បាន​អះអាងថា កន្លងមក​អាជ្ញាធរ​អប្សរា​បាន​ខិតខំ​ក្នុង​ការរៀបចំ​សណ្តាប់ធ្នាប់​សាធារណៈ ការលើកកម្ពស់​​សោភ័ណភាព​និង​ទេសភាព​បៃតង និង​ផែនការ​អនាគត​របស់​អាជ្ញាធរ​ជាតិ​អប្សរា​ដើម្បី​បន្ត​រៀបចំ​សោភ័ណភាព​បរិស្ថាន ទាំង​ក្នុង​និង​ក្រៅ​បរិវេណ​ប្រាសាទអង្គរវត្ត។

លោក​បញ្ជាក់ទៀតថា អ្វីដែល​អាជ្ញាធរ​ជាតិ​អប្សរា​កំពុងតែ​អនុវត្តន៍ និង​ផែនការ​អនា​គត គឺ​សំដៅ​លើកកម្ពស់​សោភ័ណភាព ការរៀបចំ​សណ្តាប់ធ្នាប់​សាធារណៈ និង​បង្កើន​ភាព​ទាក់ទាញ​សម្រាប់​ភ្ញៀវទេសចរ​មិន​ត្រឹមតែ​ប្រាសាទអង្គរវត្ត​នោះទេ តែ​រមណីយដ្ឋាន​អង្គរ​ទាំងមូល។

លោក​បន្ថែមថា ដោយឡែក​អំពី​ការរៀបចំ​ប្រព័ន្ធ​ស្រោចស្រព​វាលស្មៅ​ក្នុង​បរិវេណ​ប្រាសាទអង្គរវត្ត​វិញ អាជ្ញាធរ​ជាតិ​អប្សរា​នឹង​រៀបចំ​ប្រព័ន្ធ​ស្រោចស្រព​ស្វ័យប្រវត្តិ​ដែល​នឹង​ធ្វើការ​ស្រោច​ស្មៅ​ឲ្យ​មាន​ភាព​បៃតង​ទាំង​ខួបប្រាំងខួបវស្សា ហើយ​កិច្ចការ​នេះ​នឹងត្រូវ​អនុវត្តន៍​ឱ្យ​រួចរាល់​នៅក្នុង​ឆ្នាំ២០២។

លើសពីនេះ​ទៀត អាជ្ញាធរ​ជាតិ​អប្សរា ក៏​រៀបចំ​ឲ្យ​មាន​មណ្ឌល​បដិសណ្ឋារកិច្ច​ស​ម្រា​ប់​ភ្ញៀវទេសចរ ការរៀបចំ​ចំណត​ត្រឹម​ត្រូវ ពិសេស​រៀបចំ​សន្ដិសុខ​សណ្ដាប់ធ្នាប់ និង​ការដាំ​កូនឈើ​ឡើងវិញ កែលម្អ​បរិស្ថាន​នៅ​ទីនោះ​ឱ្យ​ស័ក្ដិ​សមជា​រមណី​យដ្ឋាន​បេតិកភណ្ឌ​ពិភពលោក៕

 ផ្ដល់សិទ្ធិដោយ KhmerNas

Sponsor