សៀមរាប៖ ស្ត្រីម្នាក់ឈ្មោះ កាន់ សុភ័ក្រ អាយុ១៩ឆ្នាំ រស់នៅផ្ទះលេខ៥ ភូមិតាព្រហ្ម ឃុំសង្វើយ ស្រុកជីក្រែង ខេត្តសៀមរាប មុខរបរជាងអ៊ុតសក់ ត្រូវបាននគរបាលខេត្តសៀមរាបនាំមកសួរនាំ នៅថ្ងៃទី៣០ ខែមករា ឆ្នាំ២០២០នេះ ក្រោយបង្ហោះព័ត៌មានមិនពិតពាក់ព័ន្ធវីរុស «កូរ៉ូណា»។ស្ដ្រីខាងលើនេះបានប្រើប្រាស់ គណនីហ្វេសបុកឈ្មោះ Sopheak Love ចែកចាយ និងផ្សព្វផ្សាយ ព័ត៌មានមិនពិត ធ្វើឲ្យមានការភ័យខ្លាចដល់ប្រជាពលរដ្ឋ ពាក់ព័ន្ធករណីឆ្លងជំងឺ រលាកសួត ដោយវីរុសកូរ៉ូណា។
ចំពោះមុខសមត្ថកិច្ចនាងបានចេញមុខមកសារភាពកំហុសរបស់ខ្លួន និងបានសន្យាថា ឈប់ចែកចាយព័ត៌មានប្រឌិតបែបនេះទៀតហើយ។
