Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ថៃ​ប្រកាស​អ្នក​ឆ្លង​វីរុស​កូរ៉ូណា​ថ្មី​ចំនួន​៧​នាក់​បន្ថែម​ទៀត

អានផ្សេងទៀត

ក្រសួង​សុខា​ភិ​បាល​ថៃ​បាន​រាយ​ការណ៍​ពី​ការ​ឆ្លង​វីរុស​កូរ៉ូណា​ចំនួន​៧​ករណី​បន្ថែម​ទៀត នៅ​ថ្ងៃ​សៅរ៍​នេះ ដោយ​ក្នុង​នោះ​មាន​ជន​ជាតិ​ថៃ​៣​នាក់ និង​ជន​ជាតិ​ចិន​៤​នាក់​។

ករណី​ថ្មី​នេះ បាន​ធ្វើ​ឱ្យ​ចំនួន​សរុប​ដែល​ត្រូវ​បាន​រាយ​ការណ៍​នៅ​ក្នុង​ប្រទេស​នេះ មាន​ចំនួន​៣២​ករណី ខណៈ​ប្រទេស​ថៃ​គឺ​ស្ថិត​ក្នុង​ចំណោម​ប្រទេស​ដែល​មាន​អ្នក​ឆ្លង​ខ្ពស់​បំផុត​នៅ​លើ​ពិភព​លោក ក្រៅ​ពី​ប្រទេស​ចិន​។

លោក Suwannachai Wattanayingcharoenchai អគ្គ​នាយក​នៃ​នាយក​ដ្ឋាន​គ្រប់​គ្រង​ជំងឺ​បាន​លើក​ឡើង​ថា ករណី​ថ្មី​ទាំង​៧​នេះ​សុទ្ធ​តែ​ស្ថិត​ក្នុង​មន្ទីរ​ពេទ្យ​។

លោក​ប្រាប់​អ្នក​យក​ព័ត៌​មាន​ថា ករណី​មួយ​ក្នុង​ចំណោម​ករណី​ទាំង​៧​នាក់​នេះ គឺ​ជា​មនុស្ស​ស្ថិត​ក្នុង​ក្រុម​១៣៨​នាក់ ដែល​ត្រូវ​បាន​ជម្លៀស​ចេញ​ពី​តំបន់​ឆ្លង​វីរុស​នៅ​ទីក្រុង​វ៉ូហាន​ប្រទេស​ចិន​កាល​ពី​ថ្ងៃ​អង្គារ​។

លោក​បន្ត​ថា ចំណែក​ជន​ជាតិ​ថៃ​២​នាក់​ទៀត​បាន​ប៉ះ​ពាល់​ភ្ញៀវ​ទេស​ចរ​។

លោក Suwannachai បាន​និយាយ​ថា​ក្នុង​ចំណោម​ជន​ជាតិ​ចិន​ទាំង​៤​នាក់​នោះ មាន​៣​នាក់​ជា​សមា​ជិក​នៃ​ក្រុម​គ្រួសារ​នៃ​ករណី​ដែល​បាន​រាយ​ការណ៍​ពី​មុន ខណៈ​ម្នាក់​ទៀត​ជា​អ្នក​ទេស​ចរ​មក​ពី​តំបន់​ដែល​មាន​ការ​ប្រឈម​នឹង​ការ​ឆ្លង​ខ្ពស់​បំផុត​នៅ​ក្នុង​ប្រទេស​ចិន​។

ក្នុង​ចំណោម​៣២​ករណី​ដែល​ប្រទេស​ថៃ​បាន​រាយ​ការណ៍​មក​ទល់​ពេល​នេះ មាន​២៣​ករណី​ជា​ជន​ជាតិ​ចិន និង​៩​ករណី​ជា​ជន​ជាតិ​ថៃ​៕

ប្រភព៖CNA

ផ្ដល់សិទ្ធិដោយ៖ Khmernas
Sponsor