header ads

Sponsor

រដ្ឋា​ភិ​បាល​ប្រទេស​ស៊ូដង់ នឹង​ប្រគល់​អតីត​ប្រធានា​ធិ​បតី​លោក អូម៉ាអាល់ បាសៀរ ទៅ​កាន់​តុលា​ការ​ព្រហ្ម​ទណ្ឌ​អន្តរ​ជាតិ​(ICC)។ អតីត​ប្រធានា​ធិ​បតី​រូប​នេះ ប្រឈម​នឹង​ការ​ចោទ​ប្រកាន់​ពី​បទ​ប្រល័យ​ពូជ​សាសន៍ ឧក្រិដ្ឋ​កម្ម​សង្គ្រាម និង​ឧក្រិដ្ឋ​កម្ម​ប្រឆាំង​នឹង​មនុស្ស​ជាតិ ជុំវិញ​ជម្លោះ​ដែល​បាន​ផ្ទុះ​ឡើង​នៅ​ក្នុង​តំបន់​ដា​ហ្វួរ​របស់​ប្រទេស​នេះ​ក្នុង​ឆ្នាំ​២០០៣​។

លោក​ត្រូវ​បាន​ទម្លាក់​ចេញ​ពី​តំណែង​ជា​ប្រធានា​ធិបតី​នៅ​ខែ​មេសា​ឆ្នាំ​២០១៩​។ គាត់​បាន​ឡើង​កាន់​អំណាច​នៅ​ក្នុង​រដ្ឋ​ប្រហារ​យោធា​មួយ​នៅ​ឆ្នាំ​១៩៨៩ និង​បាន​គ្រប់​គ្រង​ប្រទេស​ស៊ូដង់​ដោយ​ប្រើ​កណ្ដាប់​ដៃ​ដែក​។

ព្រះរាជ​អាជ្ញា​អាយ​ស៊ី​ស៊ី​នៅ​ទី​ក្រុង​ឡាអេ បាន​ស្នើ​សុំ​ឱ្យ​គាត់​ចូល​រួម​ជំនុំ​ជម្រះ​លើ​ការ​សម្លាប់​មនុស្ស​នៅ​តំបន់​ដាហ្វួរ។ អង្គ​ការ​សហ​ប្រជា​ជាតិ​និយាយ​ថា មនុស្ស​ប្រហែល​៣០០.០០០​នាក់ ត្រូវ​បាន​សម្លាប់ និង​២,៥ លាន​នាក់​បាន​ផ្លាស់​ទី​លំ​នៅ​ក្នុង​សង្គ្រាម​នេះ​។

តុលា​ការ​ក្នុង​ប្រទេស​ស៊ូដង់ ក៏​បាន​ចោទ​ប្រកាន់​គាត់ ពី​បទ​សម្លាប់​អ្នក​តវ៉ា ក្នុង​អំឡុង​ពេល​បាតុ​កម្ម​បណ្ដេញ​គាត់​ចេញ​ពី​អំណាច​៕

ប្រភព៖BBC

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor