header ads

ភ្នំពេញ៖ ចាប់ពីថ្ងៃទី០២-០៦ ខែមេសា ឆ្នាំ​២០២០ តាមបណ្តាខេត្តនៅ​តំបន់វាលទំនាប​ភាគកណ្តាល និងភាគពាយ័ព្យ អាចនឹងមានភ្លៀងធ្លាក់ក្នុងកម្រិតពីមធ្យមទៅបង្គួរ ចំណែកបណ្តាខេត្តដទៃទៀត អាចនឹងមានភ្លៀងធ្លាក់តិចតួចផងដែរ។ នេះបើតាម​សេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី ៣១ ខែ មីនា។

បើតាមក្រសួងធនធានទឹក បណ្តាខេត្តនៅតាមតំបន់វាលទំនាប សីតុណ្ហភាពអប្បបរមា មានពី ២៥អង្សាសេ ទៅ២៧អង្សាសេ។ សីតុណ្ហភាពអតិបរមា មានពី ៣៤អង្សាសេ ទៅ ៣៧អង្សាសេ។

ចំណែកបណ្តាខេត្តនៅខ្ពង់រាបឦសាន សីតុណ្ហភាពអប្បរមា មានពី ២៤អង្សាសេទៅ ២៦អង្សាសេ។ សីតុណ្ហភាពអតិបរមា មានពី ៣២ ទៅ ៣៤អង្សាសេ អាចនឹងមាន​ភ្លៀងធ្លាក់នៅផ្នែកមួយចំនួន ចាប់ពីថ្ងៃទី ៤ដល់ថ្ងៃទី ៧ ខែមេសា។

នៅបណ្តាខេត្តតំបន់មាត់សមុទ្រ សីតុណ្ហភាពអប្បបរមា មានពី ២៥ទៅ ២៧អង្សាសេ សីតុណ្ហភាពអតិបរមា មានពី៣៣ ទៅ ៣៥អង្សាសេ ចាប់ពីថ្ងៃទី ២ដល់ថ្ងៃទី ៧មេសា អាចនឹងមានភ្លៀងធ្លាក់កម្រិតពីតិចទៅបង្គួរ។

ជាមួយគ្នានេះ ក្រសួងធនធានទឹក បានអំពាវនាវសូមឲ្យប្រជាពលរដ្ឋទាំងអស់ មានការ​ប្រុង​ប្រយ័ត្នចំពោះបាតុភូតផ្គរ រន្ទះ និងខ្យល់កន្រ្តាក់ ដែលអាចនឹងកើតមាន ចាប់ពី​ថ្ងៃទី២-៦ ខែមេសា ឆ្នាំ ២០២០៕

ផ្ដល់សិទ្ធិដោយ៖ khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post