សម្ដេច ហ៊ុន សែន នាយរករដ្ឋមន្រ្តីកម្ពុជា បញ្ជាមិនឲ្យនាំ ស្រូវ និងអង្ករលក់ចេញទៅទីផ្សារបរទេស លើកលែងតែប្រភេទ អង្ករក្រអូប ។ ការលើកឡើងនេះ នៅក្នុងសន្និសីទសារព័ត៌មាន នៅរដ្ឋសភាជាតិ ព្រឹកថ្ងៃទី ៣០ ខែ មីនា។ការបញ្ជាបិទមិនឲ្យនាំស្រូវ អង្ករលក់ចេញទៅទីផ្សារខាងក្រៅនេះ ក្រោយពេលប្រទេសកម្ពុជាកំពុងទទួលរងវិបត្តិ សេដ្ឋកិច្ច ដែលបណ្ដាលមកពីជំងឺរាតត្បាត កូវីដ ១៩។
សម្ដេច ចង្ហុលបង្ហាញដូច្នេះថា៖« អ្វីដែលកម្ពុជាត្រូវតែប្ដូរផ្ដាច់ គឺផលិតស្រូវ កុំឲ្យអត់អង្ករច្រកឆ្នាំង»។
សម្ដេច បញ្ជាក់ថា បច្ចុប្បន្ន មុខជំនាញដែលគ្មានហានភ័យ គឺវិស័យ កសិកម្ម ដែលមានអាទិភាពផលិត ដើម្បីបំពេញតម្រូវការក្នុងស្រុក និងក្រៅស្រុក។ សម្ដេច សន្និដ្ឋានថា ប្រសិនបើកម្ពុជាធ្លាក់ចូលក្នុងវិបត្តិសេដ្ឋកិច្ចរយៈ ៦ខែ ឬ ១ឆ្នាំ កម្ពុជាមានថវិការបម្រុងប្រមាណជាង ២ពាន់លានដុល្លារ ដើម្បីគ្រប់គ្រងស្ថានការណ៍។ ប៉ុន្តែ បច្ចុប្បន្ន កម្ពុជានៅមិនទាន់បានប្រើប្រាស់ប្រាក់បម្រុងនៅឡើយទេ៕ ផ្ដល់សិទ្ធិដោយ khmernas
