header ads

ការ​សិក្សា​មួយ​បាន​បង្ហាញ​ថា ជាង​ពាក់​កណ្តាល​នៃ​អ្នក​ជំងឺ​Covid​-​19​នៅ​ចិន​ដី​គោក គឺ​មិន​មាន​គ្រុន​ក្តៅ​នៅ​ពេល​ពួក​គេ​ត្រូវ​បាន​បញ្ជូន​ទៅ​ព្យា​បាល​នៅ​មន្ទីរ​ពេទ្យ​។

លោក​វេជ្ជ​បណ្ឌិត David Hui Shu-cheong អ្នក​ជំនាញ​ខាង​វេជ្ជ​សាស្ត្រ​ផ្លូវ​ដង្ហើម​នៅ​សាកល​វិទ្យា​ល័យ​ចិន និង​ជា​សហ​ដឹក​នាំ​ការ​សិក្សា​នេះ បាន​ទទូច​ឱ្យ​មាន​ការ​ធ្វើ​តេស្ត​បន្ថែម​ទៀត​នៅ​តាម​គ្លីនិក​ឯក​ជន​និង​រដ្ឋ ដើម្បី​ជួយ​រក​ឱ្យ​ឃើញ​ទាន់​ពេល និង​ដាក់​អ្នក​សង្ស័យ​ឱ្យ​នៅ​ដាច់​ដោយ​ឡែក​។

ការ​ទទូច​នេះ បន្ទាប់​ពី​ការ​ស្រាវ​ជ្រាវ​បាន​បង្ហាញ​ថា ជាង​៨០​នៃ​អ្នក​ជំងឺ​Covid​-​19 បាន​ចុះ​ទាប​នៃ​កោ​សិកា​គ្រាប់​ឈាម​ដែល​ហៅ​ថា​(​Lymphocyte​)​ក្នុង​ឈាម​របស់​ពួក​គេ ហើយ​អ្នក​ជំងឺ​ជាង​ពាក់​កណ្ដាល​គឺ​មិន​បាន​ចេញ​រោគ​សញ្ញា​គ្រុន​ក្ដៅ​នោះ​ទេ​។

លទ្ធ​ផល​នៃ​ការ​ស្រាវ​ជ្រាវ​នេះ​បាន​បង្ហាញ​ថា អត្រា​មរណ​ភាព​គឺ​មាន​ចំនួន​១,៤​ភាគ​រយ ក្នុង​ចំណោម​ក្រុម​អ្នក​ជំងឺ​ដែល​មាន​អាយុ​ជា​មធ្យម​៤៧​ឆ្នាំ និង​មាន​ចំនួន​៥៨,១​ភាគ​រយ​គឺ​ជា​បុរស​។ រយៈ​ពេល​នៃ​ការ​បង្ក​រោគ​នៃ​ជំងឺ​នេះ​មាន​ចន្លោះ​ពី​២​ទៅ​៧​ថ្ងៃ ខណៈ​ដែល​អ្នក​ជំងឺ​មាន​តែ​១,៩​ភាគ​រយ​ប៉ុណ្ណោះ ដែល​មាន​ប្រវត្តិ​ប៉ះ​ពាល់​ផ្ទាល់​ជា​មួយ​សត្វ​ព្រៃ​។

លោក David Hui Shu-cheong បាន​លើក​ឡើង​ថា​៖​«​ការ​ស្រាវ​ជ្រាវ​បាន​បង្ហាញ​ថា វា​ងាយ​ស្រួល​ណាស់​ដែល​ធ្វើ​ឱ្យ​យើង​ខក​ខាន​មិន​បាន​ដឹង អំពី​ការ​ឆ្លង​មេ​រោគ​មួយ​ចំនួន​នៅ​ក្នុង​សហ​គមន៍ ហើយ​យើង​មិន​គ្រាន់​តែ​អាច​កត់​សម្គាល់​ថា គ្រុន​ក្ដៅ​គឺ​សញ្ញា​តែ​មួយ​គត់​សម្រាប់​Covid​-​19​នោះ​ទេ​។ អ្នក​ជំងឺ​ខ្លះ​អាច​ស្កេន​សួត​ដែល​មើល​ទៅ​មិន​អី ហើយ​អនុ​ញ្ញាត​ឱ្យ​ចេញ​ពី​មន្ទីរ​ពេទ្យ ត្រឡប់​ទៅ​សហ​គមន៍​វិញ គឺ​បណ្តាល​ឱ្យ​វីរុស​រាល​ដាល​»​៕

ប្រភព៖ South China Morning Post

ផ្ដល់សិទ្ធិដោយ៖ khmernas

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post