header ads

ទី​ក្រុង​ស៊ិន​ជិន​បាន​ក្លាយ​ជា​ទី​ក្រុង​ចិន​ដំបូង​គេ ដែល​បាន​ហាម​ឃាត់​ការ​លក់​និង​បរិ​ភោគ​សាច់​ឆ្កែ​និង​ឆ្មា​។

ការ​ដាក់​ចេញ​ច្បាប់​នេះ បន្ទាប់​ពី​ការ​ផ្ទុះ​ឡើង​នៃ​មេ​រោគ​កូវីដ​១៩ ត្រូវ​បាន​គេ​ជឿ​ជាក់​ថា អាច​បណ្ដាល​មក​ពី​ការ​បរិ​សាច់​សត្វ​ព្រៃ ដែល​ជំរុញ​ឱ្យ​អាជ្ញា​ធរ​ចិន​ហាម​ឃាត់​ការ​ធ្វើ​ពាណិជ្ជ​កម្ម​និង​ការ​បរិ​ភោគ​សត្វ​ព្រៃ​។

ទី​ក្រុង​ស៊ិន​ជិន បាន​បោះ​មួយ​ជំហាន​ទៅ​មុខ​ទៀត ដោយ​ពង្រីក​ការ​ហាម​ឃាត់​បរិ​ភោគ​សត្វ​ព្រៃ ទៅ​ដល់​ការ​បរិ​ភោគ​សាច់​ឆ្កែ​និង​ឆ្មា ដែល​ច្បាប់​ថ្មី​នេះ​នឹង​ចូល​ជា​ធរ​មាន​នៅ​ថ្ងៃ​ទី​១​ឧសភា​ខាង​មុន​។

អង្គ​ការ​អន្តរ​ជាតិ​មួយ​ខាង​ការ​ពារ​សត្វ​ព្រៃ​ហៅ​ថា​HSI​បាន​និយាយ​ថា សត្វ​ឆ្កែ​ចំនួន​៣០​លាន​ក្បាល ត្រូវ​បាន​សម្លាប់​សម្រាប់​បរិ​ភោគ​នៅ​ទូ​ទាំង​ទ្វីប​អាស៊ី​ក្នុង​មួយ​ឆ្នាំ​ៗ​។

ទោះ​ជា​យ៉ាង​ណា​ក៏​ដោយ ការ​អនុ​វត្ត​នៃ​ការ​បរិ​ភោគ​សាច់​ឆ្កែ​នៅ​ប្រទេស​ចិន មិន​មែន​ជា​រឿង​ទូ​ទៅ​នោះ​ទេ ដោយ​ប្រជា​ជន​ចិន​ភាគ​ច្រើន​មិន​ដែល​បាន​បរិ​ភោគ​ឡើយ ហើយ​និយាយ​ថា​ពួក​គេ​មិន​ចង់​បរិ​ភោគ​។

រដ្ឋា​ភិ​បាល​ទី​ក្រុង​ស៊ិន​ជិន​បាន​និយាយ​ថា សត្វ​ឆ្កែ​និង​សត្វ​ឆ្មា​ជា​សត្វ​ចិញ្ចឹម​បាន​បង្កើត​ទំនាក់​ទំនង​ជិត​ស្និទ្ធ​ជា​មួយ​មនុស្ស​ជាង​សត្វ​ដទៃ​ទៀត ហើយ​ការ​ហាម​ឃាត់​ការ​បរិ​ភោគ​សាច់​ឆ្កែ​និង​ឆ្មា​និង​សត្វ​ចិញ្ចឹម​ដទៃ​ទៀត គឺ​ជា​ការ​អនុ​វត្ត​ជា​ទូ​ទៅ​នៅ​ក្នុង​ប្រទេស​អភិ​វឌ្ឍន៍ និង​នៅ​ហុង​កុង​និង​តៃ​វ៉ាន់​។

អង្គការ​HSI​បាន​កោត​សរ​សើរ​ចំពោះ​ការ​ដាក់​ចេញ​ច្បាប់​នេះ ហើយ​បញ្ជាក់​ថា ​នេះ​ពិត​ជា​ពេល​វេលា​ដ៏​សំខាន់​មួយ ក្នុង​កិច្ច​ប្រឹង​ប្រែង​ដើម្បី​បញ្ចប់​ពាណិជ្ជ​កម្ម​ដ៏​ឃោរ​ឃៅ​ដែល​បាន​សម្លាប់​សត្វ​ឆ្កែ​ប្រមាណ​១០​លាន​ក្បាល​និង​សត្វ​ឆ្មា​៤​លាន​ក្បាល​នៅ​ក្នុង​ប្រទេស​ចិន​ជា​រៀង​រាល់​ឆ្នាំ​៕

ប្រភព៖BBC

ផ្ដល់សិទ្ធិដោយ៖ khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post