header ads

Sponsor

ការ​ឆ្លងរាល​ដាល​នៃជំងឺកូវីដ ១៩ នៅតែបន្ត​កើន​ឡើង​គ្មាន​ការ​ថមថយ​នោះទេ ក្នុងបណ្តាប្រទេសជាច្រើន​នៅលើ​ពិភពលោក។ ការ​ឆ្លងរាលដាលនេះ ក៏នៅតែបន្ត​ប៉ះពាល់​មិនត្រឹម​តែដល់​បញ្ហា​សុខភាពមនុស្សនោះទេ តែ​គ្រប់វិស័យ​ផ្សេងៗក្នុងលោក​ក៏​ប៉ះពាល់ខ្លាំងដូចគ្នា ដោយ​ក្នុងនោះមានទាំងវិស័យ​កីឡាផងដែរ។

ដោយ​មើល​ឃើញ​ពីផល​ប៉ះពាល់​ទាំងនេះ កីឡាករ​បាល់ទាត់​ដែល​មានកេរ្តិ៍ឈ្មោះបោះសម្លេងល្បីៗ និង​មាន​ចំណូល​ច្រើន​ជាច្រើន​នាក់ បាន​ចូល​រួម​បរិច្ចាគ​ធនធាន​ផ្ទាល់ខ្លួន ដើម្បីចូលរួម​ក្នុងយុទ្ធនាការ​ប្រយុទ្ធប្រឆាំងនឹង​ជំងឺកូវីដ ១៩នេះ។

តើ​មានកីឡាករ​បាល់ទាត់​ណាខ្លះ ដែល​បាន​បរិច្ចាគ​ក្នុងអំឡុងពេលនេះ? យើង​តាមដាន​ទាំងអស់គ្នា៖

១. Neymar

Barcelona to offer Griezmann to PSG as part of Neymar deal - AS.com
កីឡាករ​ប្រេស៊ីល នៃក្លឹប Paris Saint-Germain របស់បារាំងនេះ បាន​បរិច្ចាគ​ប្រាក់ប្រមាណ ៧៥០ ០០០ ផោន ដល់​អង្គការ​ Unicef និង​ចូលរួម​ក្នុងយុទ្ធនាការ​ស្វែងរក​ជំនួយ​ប្រឆាំងនឹងកូវីដ ១៩។

២. Cristiano Ronaldo


កំពូលកីឡាករបាល់ទាត់សញ្ជាតិព័រទុហ្កាល់ ដែលបច្ចុប្បន្ន​ជាកីឡាកររបស់ Juventus នៃក្របខណ្ឌ Serie A របស់​អ៊ីតាលីនេះ បាន​បរិច្ចាគប្រាក់​ ១លាន​ផោន ដើម្បី​ជួយ​ដល់​មន្ទីរសង្គ្រោះជំងឺធ្ងន់ ក្នុង​មន្ទីរពេទ្យ នៅទីក្រុង Porto និង Lisbon ក្នុងប្រទេសព័រទុយហ្គាល់។

៣. Lionel Messi

Messi: gap has closed between Barcelona, Madrid and rest of LaLiga ...
ខ្សែប្រយុទ្ធអាស្សង់ទីន និងជាប្រធានក្រុម Barcelona ក្នុងក្របខណ្ឌ La Liga របស់អេស្បាញរូបនេះ បាន​បរិច្ចាគប្រាក់​ ១លានផោន ដល់មន្ទីពេទ្យ ក្នុងទីក្រុង Barcelona។

៤. Robert Lewandoski

Bundesliga | Is Robert Lewandowski Bayern Munich's best ever striker?
ខ្សែប្រយុទ្ធប៉ូឡូញ នៃក្លឹប Bayern Munich ក្នុងក្របខណ្ឌ Bundesliga របស់អាល្លឺម៉ង់រូបនេះ និង​ភរិយារបស់លោក បានបរិច្ចាគ​ប្រាក់ ១លានអឺរូ ដើម្បី​ជួយ​ប្រឆាំងនឹងការឆ្លងរាលដាលនៃកូវីដ ១៩ ក្នុងប្រទេសអាល្លឺម៉ង់។


៥. Kylian Mbappe

Mbappe tested for Coronavirus after missing training
កីឡាករវ័យ​ក្មេង​សញ្ជាតិ​បារាំង នៃក្លឹប Paris Saint Germain ក្នុងក្របខណ្ឌ Ligue 1 របស់​បារាំងនេះ បាន​ឧបត្ថម្ភ​ប្រាក់ និង​សម្ភារៈជាប្រចាំ ដល់​មូលនិធិ​មនុស្សគ្មានទីជម្រក ដើម្បីការពារ​ពួកគេ​ពីហានិភ័យ​នានា ក្នុងពេល​មានការ​រាល​ដាលនៃជំងឺកូវីដ ១៩។

៦. Joshua Kimmich និង Leon Goretzka

Ehson on Twitter: "Leon Goretzka & Joshua Kimmich played 3 games ...
កីឡាករ​របស់​ក្លឹប Bayern Munich ទាំង ២នាក់នេះ បាន​ធ្វើ​យុទ្ធនាការ #WekickCorona និងបានរៃអង្កាស​ថវិកាបានប្រមាណជា ៣.៦លានអឺរូ ដើម្បីបរិច្ចាគ​ដល់មន្ទីរពេទ្យ។

៧. Harry Maguire

Ole Gunnar Solskjaer on Harry Maguire: 'He Can Be a Long-Term ...
ខ្សែការពារ​អង់គ្លេស របស់ក្លឹប Manchester United រូបនេះ សុខចិត្តកាត់ប្រាក់ខែផ្ទាល់ខ្លួន ៣០ភាគរយ​ជារៀងរាល់​ខែ ក្នុងអំឡុង​ពេល​មិនបាន​ប្រកួត​ដោយ​កូវីដ ១៩ ដើម្បីបរិច្ចាគ​ដល់​ក្រុម​សុខាភិបាល​ជាតិអង់គ្លេស ក្នុងការ​ប្រឆាំងកូវីដ ១៩។ ជាមួយ​គ្នា​ Maguire ក៏​បាន​អំពាវនាវ​ឲ្យ​កីឡាករ Manchester United បរិច្ចាគប្រាក់ខែ ៣០ភាគរយ​ដែរ។

៨. Jordan Henderson

Liverpool ace Jordan Henderson links up with Arsenal, Chelsea and ...
ខ្សែការពារ​អង់គ្លេស និង​ប្រធានក្រុម Liverpool ក្នុងក្របខណ្ឌ Premier League របស់​អង់គ្លេស​នេះ បាន​និយាយ​ជាមួយ​ប្រធាន​ក្រុម​ផ្សេងទៀត ដើម្បី​បង្កើត​មូលនិធិ​ប្រឆាំងវិបត្តិកូរ៉ូណា ក្នុងគោល​ដៅរៃអង្កាសប្រាក់​រាប់​លាន​ផោន ដើម្បីជួយ​ដល់​វិស័យ​សុខាភិបាល​ ក្នុងប្រទេស៕

៩. Xavi និងភរិយា


អតីតកីឡាករ Barcelona រូបនេះ ក៏បានប្រកាសពីការ​បរិច្ចាគប្រាក់ ១លានអឺរូ ជួយ​ដល់​មន្ទីរពេទ្យ ក្នុងទីក្រុង Barcelona ប្រទេសអេស្បាញដែរ៕ ផ្ដល់សិទ្ធិដោយ៖ khmernas

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post