header ads

Sponsor

វីរៈបុរសរបស់ Liverpool គឺ Sir Kenny Dalglish បានធ្វើតេស្ត​វិជ្ជមាន​មេរោគកូវីដ ១៩ ហើយ​លោក​កំពុង​សម្រាក​ព្យាបាល​ក្នុងមន្ទីរពេទ្យ តែមិនមាន​ចេញ​រោគ​សញ្ញាធ្ងន់ធ្ងរនោះទេ។ នេះគឺជាការបញ្ជាក់​ពីក្រុម​គ្រួសាររបស់លោក និងក្លឹប Liverpool

Sir Kenny ដែលបច្ចុប្បន្ន​មានអាយុ ៦៩ឆ្នាំ បាន​សម្រាក​ក្នុង​មន្ទីរពេទ្យ កាលពីថ្ងៃពុធ ទី ៨ខែមេសា ដើម្បីទទួល​បានការ​ព្យាបាល​ ​ក្រោយ​លោក​បាន​ធ្វើតេស្ត​វិជ្ជមានមេរោគកូវីដ ១៩នេះ។

យ៉ាងណាក៏ដោយ ទាំង Liverpool និង​ក្រុម​គ្រួសាររបស់លោក Dalglish បានអះអាងថា លោក​មានសុខភាពល្អ។​

សូម​រម្លឹកជូនថា លោក​ Dalglish គឺជាអតីត​កីឡាករ ដែល​ធ្លាប់​ឈ្នះលីគកំពូល​ក្នុងប្រទេសស្កតឡែន ចំនួន ៤ដង ជាមួយក្លឹប Celtic មុន​ពេល​លោក​ផ្លាស់មក Liverpool កាលពីឆ្នាំ ១៩៧៧។ នៅ Liverpool លោក​ធ្លាប់​ដឹកនាំ​ក្រុម​ឈ្នះពានរង្វាន់​ចំនួន ៨ ក្នុងនាមជាកីឡាករ និង​ឈ្នះពានរង្វាន់​អឺរុបចំនួន ៣ ក្នុងនាមជាគ្រូបង្វឹក។ ហើយលោក​ក៏ធ្លាប់​លើកពាន Premier League ជាមួយ​ក្រុម Blackburn Rovers ក្នុងនាមជាអ្នក​ចាត់ការទូទៅ កាលពីឆ្នាំ ១៩៩៥ ផងដែរ៕

ផ្ដល់សិទ្ធិដោយ៖ Khmernas

Feature Ads

Previous Post Next Post
Sponsor