header ads

ផ្សិតប៉ក់ ឫផ្សិតផូងផាំង គឺជាប្រភេទផ្សិតភ្នំម្យ៉ាង ដែលសំបូរនៅស្រុកស្រុកភ្នំក្រវាញ និងស្រុកវាលវែង ខេត្តពោធិ៍សាត់។  ផ្សិតប្រភេទនេះ មានរសជាតិឆ្ងាញ់​ប្លែកខុសពី​ផ្សិតធម្មតា។

អ្នករុករកផ្សិតប៉ក់ម្នាក់បានឱ្យដឹងថា គាត់អាចរកចំណូលពីផ្សិតប៉ក់នេះ ក្នុងមួយថ្ងៃ បានចាប់ពី១៥ម៉ឺន ទៅ ៣៥ម៉ឺនរៀល ហើយថ្ងៃខ្លះលើសនេះក៏មាន ចំណែកតម្លៃលក់​ឱ្យឈ្មួញកណ្តាល គឺចាប់ពី ៣៥,០០០រៀល ឡើងទៅ ក្នុង១គីឡូក្រាម។ តែតម្លៃ​នេះទាបជាងឆ្នាំមុន ដោយឆ្នាំមុនៗ លក់បានរហូតដល់ ៥ម៉ឺនរៀលឡើងទៅ ក្នុង១​គីឡូក្រាម។ 

អាជ្ញាធរមូលដ្ឋាន បានឲ្យដឹងថា ផ្សិតប្រភេទនេះ កើតចេញពីផេះផង់ នៃភ្លើងឆេះ​ព្រៃកន្លងមក លុះត្រូវបានការស្រោចស្រពដោយដំណក់ទឹកភ្លៀង ក៏កើតចេញ​ជាផ្សិត​នេះឡើង ហើយផ្សិតប្រភេទនេះ គឺខុសពីផ្សិតធម្មតាត្រង់វាដុះនៅក្នុងដី ដែលមាន​រាងមូលដូចពងក្រួច ហើយគេអាចសម្គាល់បាន​ដោយឃើញមានដីពើង​ប្រះឡើងលើ នៅតំបន់ដែលធ្លាប់មានភ្លើងឆេះព្រៃកន្លងមក ហើយបើយើងមិនត្រូវបាន​បង្ហាញពីអ្នក​ធ្លាប់​រកផ្សិតនេះទេ នោះយើងមិនអាចរកវាឃើញទេ ។ 

ក្រុមឈ្មួញកណ្តាលបានអះអាងថា ពួកគាត់ម្នាក់ៗ បានចំណាយលុយទិញផ្សិតប្រភេទ​នេះ ចាប់ពី ២០លានរៀល ទៅ៣០លានរៀល ក្នុងមួយថ្ងៃ អ្នកខ្លះទិញយកទៅលក់​បន្តឱ្យម៉ូយ មកពីស្រុកភ្នំក្រវាញ អ្នកខ្លះទៀតទិញយកទៅលក់ផ្ទាល់​នៅច្រកព្រំប្រ​ទល់ខ្មែរ-ថៃ ក្នុងខេត្តប៉ៃលិន បន្ទាយមានជ័យ ព្រះវិហារ ជាដើម ។ 

ក្រុមឈ្មួញដែលតែងតែនាំចេញទៅលក់នៅប្រទេសថៃ បានលើកឡើងថា ផ្សិតប៉ក់លក់​បាន​តម្លៃខ្ពស់ មានតែលក់ឱ្យទៅប្រទេសថៃទេ មានប៉ុន្មានគេទទួលទិញយកទាំងអស់ ប៉ុន្តែពួក​គាត់មិនបានដឹងថា គេយកទៅធ្វើជាអ្វីបន្តទៀតទេ ។ 

ចំណែកប្រជាពលរដ្ឋខ្មែរ និយមយកផ្សិតប៉ក់ ឫផ្សតិផូងផាំងនេះ មកស្ងោ រឺឆាក៏បាន ដោយវាមានរសជាតិឆ្ងាញ់ខុសប្លែកពីផ្សិតទូទៅ ៕ ប្រភព៖ មន្ទីរព័ត៌មានខេត្ត​ពោធិ៍​សាត់

ផ្ដល់សិទ្ធិដោយ៖ khmernas

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post