កម្ពុជា ​អាច​នឹង​មា​នភ្លៀង​ធ្លាក់​ខ្លាំង ចាប់​ពី​ថ្ងៃ​ស្អែក​ទៅដ​ល់​ថ្ងៃទី​ ០២ មិ​ថុ​នា

ភ្នំពេញ ៖  ចាប់ពីថ្ងៃទី ២៧ ខែ ឧសភា ដល់ថ្ងៃទី ០២ ខែ មិថុនា ឆ្នាំ២០២០ កម្ពុជា អាច​នឹងមានភ្លៀងធ្លាក់ពីមធ្យមទៅច្រើន ហើយតំបន់ខ្លះអាចនឹងមានភ្លៀងធ្លាក់ខ្លាំង។ នេះបើតាមសេចក្តីប្រកាសព័ត៌មានរបស់ក្រសួងធនធានទឹក និងឧតុនិយម នៅថ្ងៃទី ២៦ ខែ ឧសភា។

បើតាមសេចក្តីប្រកាស ការប្រែប្រួលជាបន្តបន្ទាប់នៃស្ថានភាពអាកាសធាតុ ខ្យល់មូសុង​នារតី និងបក់ខ្លាំងមកលើប្រទេសកម្ពុជា ហើយនៅតាម​បណ្តា​ខេត្តមួយចំនួន នឹងទទួល​រងនូវស្ថានភាពខ្យល់នេះ ជាពិសេសខេត្តនៅ​តំបន់ជួរ​ភ្នំដងរែក និងខ្ពង់រាបភាគឦសាន។

ក្រសួងធនធានទឹក បានធ្វើការព្យាករណ៍ដូចខាងក្រោម៖

១. បណ្តាខេត្តនៅតំបន់វាលទំនាបកណ្តាល ៖

• សីតុណ្ហភាពអប្បរមា មានពី ២៥ – ២៧ ⁰C
• សីតុណ្ហភាពអតិបរមា មានពី ៣៣-36^oC ។

និងអាចមានភ្លៀងធ្លាក់រាយប៉ាយពីមធ្យមទៅច្រើន ក្នុងនោះផ្នែកខ្លះនៃវាលទំនាបពាយ័ព្យ អាចនិងមានភ្លៀងធ្លាក់ខ្លាំង ។

២. បណ្តាខេត្តនៅតំបន់ជួរភ្នំដងរែក និងខ្ពង់រាបឦសាន៖​

• សីតុណ្ហភាពអប្បរមា មានពី ២៣-២៥ ^oC
• សីតុណ្ហភាពអតិបរមា មានពី ៣៣-៣៥ ^oC ។

និងអាចមានភ្លៀងតិចតួចទៅបង្គួរ ដោយឡែក នៅបណ្តាខេត្តភូមិភាគឦសានមួយចំនួនជាប់ និងព្រំដែនវៀតណាមនិងអាចមានភ្លៀងធ្លាក់ខ្សោយទៅមធ្យម ។

៣. បណ្តាខេត្តនៅតំបន់ម៉ាត់សមុទ្រ៖​

• សីតុណ្ហភាពអប្បរមា  មានពី ២៦-២៨ ^oC
• សីតុណ្ហភាពអតិបរមា មានពី​  ៣២- ៣៤ ^oC

និងអាចមានភ្លៀងធ្លាក់បង្គួរ

ទន្ទឹមនឹងនេះ ក្រសួងស្នើឲ្យពលរដ្ឋមានការប្រុងប្រយ័ត្នខ្ពង់ចំពោះបាតុភូត ផ្គររន្ទះ កន្រ្តាក់ ដែលអាចកើតមានជាយថាហេតុ៕

ផ្ដល់សិទ្ធិដោយ៖ khmernas