header ads

Sponsor

កម្មករនិយោជិត ក្នុងវិស័យកាត់ដេរ និងវិស័យទេសចរណ៍ ដែលបានព្យួរកិច្ចសន្យា​ការងារស្របតាមស្មារតីជុំទី៣ នៃកញ្ចប់វិធានការរបស់រាជរដ្ឋាភិបាលចំនួន ៣៣ ២៣​១នាក់ នៃរោងចក្រ សហគ្រាសចំនួន ១១១ ដែលរងផលប៉ះពាល់ធ្ងន់ធ្ងរ ដោយសា​រជំ​ងឺកូវីដ១៩ នឹងទទួលបានប្រាក់ឧបត្ថម្ភពីរដ្ឋាភិបាល ព្រមទាំងផ្អាក​បង់វិភាគ​​ទាន ប.ស.ស ផងដែរ។ នេះបើតាមសេចក្តីជូនដំណឹងរបស់ក្រសួងការងារ និងបណ្តុះ​បណ្តាលវិជ្ជាជីវៈ កាលពីថ្ងៃទី ២៦ ឧសភា។

បើតាមក្រសួងប្រាក់ឧបត្ថម្ភនេះ នឹងត្រូវបើកជាប្រាក់រៀល តាមធនាគារឯកទេសវីង អាស្រ័យលើចំនួនថ្ងៃនៃការព្យួរកិច្ចសន្យាការងារ។

នៅក្នុងសេចក្តីជូនដំណឹងបានបញ្ជាក់ថា ប្រាក់ឧបត្ថម្ភនឹងត្រូវចែកចេញជាពីរដង សម្រាប់​កម្មករដែលព្យួរកិច្ចសន្យាការងារចាប់ពី ២១ថ្ងៃដល់ ១ខែ និងត្រូវបែង​ចែកជា៤ដង សម្រាប់កម្មករ ដែលព្យួរកិច្ចសន្យារយៈពេល ២ខែ ដោយក្នុង១ដង ស្មើនឹងថវិកាចំនួន ៨១ ០០០រៀល(២០ដុល្លារអាមេរិក)។

ទន្ទឹមនឹងនេះ ក្រសួងបានសង្កត់ធ្ងន់ថា  ធនាគារឯកទេសវីង នឹងបង្វិលប្រាក់ឧបត្ថម្ភនេះ ជូនរដ្ឋាភិបាលវិញ ប្រសិនបើបងប្អូនខកខាន មិនបានទៅបើកប្រាក់ឧបត្ថម្ភនេះ ក្នុងរយៈ​ពេល១០ថ្ងៃ បន្ទាប់ពីទទួលបានសារតាមទូរស័ព្ទ ពីធនាគារឯកទេសវីង។

ដើម្បីបើកប្រាក់ឧបត្ថម្ភនេះបាន កម្មករនិយោជិត ត្រូវយកអត្តសញ្ញាប័ណ្ណសញ្ញាតិខ្មែរ និងទូរស័ព្ទដែលទទួលបានសារនោះ ទៅកាន់ភ្នាក់ងារវីងដែលនៅជិតបំផុត ដោយមិន​ត្រូវ​ចំណាយថវិកាបង់ថ្លៃសេវាវីងឡើយ។

ចំពោះកម្មករនិយោជិត ដែលមិនទទួលបានសារទូរស័ព្ទពីធនាគារវីង អាចសួរព័ត៌មាន​បន្ថែមពីរដ្ឋបាលរោងចក្រ សហគ្រាសរបស់ខ្លួន៕ អត្ថបទ៖ មិនា

ផ្ដល់សិទ្ធិដោយ៖ khmernas

Feature Ads

Previous Post Next Post
Sponsor