នៅក្នុងរបាយការណ៍ការងាររបស់រដ្ឋាភិបាលចិនបានចេញផ្សាយនៅថ្ងៃសុក្រទី២២ឧសភាបានបញ្ជាក់ថា អាជ្ញាធរនឹងដាក់ទណ្ឌកម្មយ៉ាងធ្ងន់ធ្ងរចំពោះការបរបាញ់និងជួញដូរសត្វព្រៃខុសច្បាប់។
ការព្រមានវិធានការតឹងរឹងនេះ ខណៈជំងឺរាតត្បាតកូវីដ១៩ត្រូវបានគេស្តីបន្ទោសនៅលើទីផ្សារអាហារសមុទ្រនៅវ៉ូហាន ដែលត្រូវបានគេជឿថា បានលក់សត្វព្រៃដូចជាសត្វប្រចៀវ និងសត្វពង្រូល ហើយប្រទេសចិនបានសន្យាបង្កើតច្បាប់ថ្មីដើម្បីធ្វើឱ្យការហាមឃាត់ជាអចិន្ត្រៃយ៍ការបរិភោគសត្វព្រៃ។
ទីក្រុងវ៉ូហាន ទីក្រុងសៀងហៃ និងទីក្រុងធំ ៗផ្សេងទៀតរបស់ប្រទេសចិនបានហាមឃាត់ការបរិភោគសត្វព្រៃរួចហើយ ហើយខេត្តមួយចំនួនក៏បានចេញនូវផែនការសកម្មភាពដើម្បីទប់ស្កាត់ការបរបាញ់ ការបង្កាត់ពូជ និងការជួញដូរសត្វព្រៃផងដែរ៕
ផ្ដល់សិទ្ធិដោយ៖ Khmernas