header ads

សង្គម

អាម៉ាប៉ាប៉ាញ៉ូស

អគ្គនាយកដ្ឋាន​អន្តោប្រវេសន៍ បាន​ឲ្យ​ដឹងថា ប៉ុស្តិ៍នគរបាល​ច្រកទ្វារព្រំដែន​អន្តរជាតិ​ប៉ោយប៉ែត នា​ថ្ងៃទី​២០ ខែមិថុនា ឆ្នាំ​២០២០ បានទទួល​ពលករ​ខ្មែរ ឆ្លងដែន​ខុសច្បាប់ ពី​អាជ្ញាធរ​ថៃ ចំនួន ៤៥​នាក់ និង​ពលរដ្ឋ​ថៃ​ចាកចេញ​មាន​ចំនួន ១៧​នាក់​។​

​ដោយឡែក​ពលករ​ខាងលើ ដែល​អាជ្ញាធរ​ថៃ​ចាប់បញ្ជូន​មកពី ខេត្ត​សុង​ខ្លា ភាគខាងត្បូង នៃ​ប្រទេស​ថៃ ត្រូវបាន​កម្លាំង​នគរបាល​ប៉ុស្តិ៍ បានធ្វើ​ការអប់រំ​ណែនាំ អំពី​ច្បាប់​ឆ្លងកាត់​ព្រំដែន និង​ការទប់ស្កាត់ ការពារ​ជម្ងឺឆ្លង Covid-19 បន្ទាប់មក​ប្រគល់ជូន​ក្រុម​ច​ត្តា​ឡី​ស័ក យកទៅ​សម្រាក​នៅ​មន្ទីរពេទ្យបង្អែក​ប៉ោយប៉ែត ជា​បណ្ដោះអាសន្ន ដើម្បី​ពិនិត្យ និង​តាមដាន​សុខភាព​ពួកគាត់​បន្ត​។​

ពលករ

​ជាមួយគ្នានេះដែរ អាជ្ញាធរ​ថៃ​នៅតែ​បន្ត​បិទ​ច្រកទ្វារព្រំដែន មិនទាន់​បើក​ឱ្យ​អ្នកដំណើរ​ចេញ​-​ចូល​ឆ្លងកាត់​នៅឡើយ ចំពោះ​អ្នកជំងឺ​សង្គ្រោះបន្ទាន់ និង​រថយន្ត​ដឹកទំនិញ​ធន់​ធំ ដំណើរការ​ជាធម្មតា​។​

​ចំណែកឯ​ពលរដ្ឋ​ខ្មែរ ដែល​បន្ត​វិល​ចូល​ប្រទេស​វិញ តាម​ច្រកទ្វារព្រំដែន​អន្តរជាតិ​អូរ​ស្មាច់ ខេត្ត​ឧ​ត្ត​រ​មានជ័យ មាន​ចំនួន ៤៨​នាក់ ស្រី ២២​នាក់ និង​ពលរដ្ឋ​ថៃ​ចាកចេញ​មាន​ចំនួន ១​នាក់ ស្រី មាន​ឯកសារ​ចេញពី​ស្ថានទូត​ថៃ និង​លិខិតបញ្ជាក់​សុខភាព​៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post